२८.१२°C काठमाडौं
ओली र रावल दुवैलाई भोट नहाल्ने ३३ जना
काठमाडौँ — एमाले अध्यक्षमा केपी शर्मा ओली र भीम रावल दुवैलाई ३३ जना प्रतिनिधिले भोट हालेनन् । एमालेको १०औं महाधिवेशनमा ३३ जना महाधिवेशन प्रतिनिधिले दुवैलाई अध्यक्षमा अस्वीकार गर्दै 'नो भोट' गरेका हुन् ।
एमाले अध्यक्षमा केपी शर्मा ओलीले १८४० मत ल्याउँदै निर्वाचित भए । यस्तै, भीम रावलले २२४ मत ल्याए ।
कूल २ हजार ९६ मत खसेको निर्वाचन समितिले जनाएको छ । उपाध्यक्ष र सचिवमा बन्दसत्रमा ओलीले प्रस्ताव गरेका सबै निर्वाचित भए ।
उपाध्यक्षमा अष्टलक्ष्मी शाक्यले सर्वाधिक १९८० मत ल्याउँदा सुरेन्द्र पाण्डेले १९२९, विष्णु पौडेलले १८५९, सुवास नेम्वाङले १८६९, युवराज ज्ञवालीले १८४६ र रामबहादुर थापाले १७७१ मत ल्याउँदै विजयी भए ।
सचिवमा गोकर्ण विष्टले सर्वाधिक १९७८, योगेश भट्टराईले १९६४, टोपबहादुर रायमाझीले १८०७, छविलाल विश्वकर्माले १८०६, पद्मा अर्यालले १८०३, लेखराज भट्टले १७०७, रघुवीर महासेठले १५०३ मत ल्याएर निर्वाचित भए ।
