भारतबाट शनिबार १० लाख डोज कोभिसिल्ड आउँदै- समाचार - कान्तिपुर समाचार

भारतबाट शनिबार १० लाख डोज कोभिसिल्ड आउँदै

कान्तिपुर संवाददाता

काठमाडौँ — शनिबार भारतबाट नेपालले खरिद गरेको१० लाख डोज कोभिसिल्ड आउने भएको छ । स्वास्थ्य सेवा विभाग व्यवस्थापन महाशाखा अन्तर्गतको आपूर्ति शाखाका प्रमुख उपेन्द्र ढुंगानाले भोलि २ बजेतिर एयर इन्डियाको फ्लाइटबाट खोप आइपुग्ने बताए । 

‘खोप आएपछि क–कसलाई लगाउने भनेर हामी योजना बनाउँदैछौँ ।पहिला छुटेकाले खोप पाउनेछन्,’ उनले भने ।

भारत सरकारले कोरोना महामारीको दोश्रो लहर बढेसँगै खोप निर्यातमा रोक लगाएपछि खोप आउन पाएको थिएन । गत फागुन ५ मा भारतको सेरम इन्स्टिच्युट अफ इन्डियासँग नेपालले खरिद गरेको २० लाखमध्ये १० लाख डोज आउन बाँकी थियो ।


प्रकाशित : आश्विन २२, २०७८ १६:३२
प्रतिक्रिया
पठाउनुहोस्

नेकपा (एस) र नेकपा (एकीकृत) बीच एकता

कान्तिपुर संवाददाता

काठमाडौँ — नेकपा (एकीकृत समाजवादी) र नेकपा (एकीकृत) बीच एकता भएको छ । 

नेकपा (एस) का अध्यक्ष माधवकुमार नेपाल र नेकपा (एकीकृत) का अध्यक्ष जीवन राईबीच शुक्रबार ८ बुँदे सम्झौता पत्रमा हस्ताक्षर भएको हो । एकीकरणपछि पार्टीको नाम नेपालले नेतृत्व गरिरहेको नेकपा (एकीकृत समाजवादी) रहने छ । पार्टीको चुनाव चिह्न 'कलम' रहनेछ ।

सम्झौताको पूर्णपाठ


प्रकाशित : आश्विन २२, २०७८ १६:११
पूरा पढ्नुहोस्
प्रतिक्रिया
पठाउनुहोस्
×