२४ घण्टामा नेपालमा ८१२ कोरोना संक्रमित थपिए, १००० संक्रमणमुक्त, १० जनाको मृत्यु
काठमाडौँ — पछिल्लो २४ घण्टामा नेपालमा ८१२ जनामा कोरोना संक्रमण देखिएको छ । ५ हजार ८९३ जनाको पीसीआर परीक्षण गर्दा ८१२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
यस्तै, ४ हजार ९८१ जनामा एन्टिजेन परीक्षण गर्दा २१८ जनामा संक्रमण देखिएको छ ।
२४ घण्टामा १ हजार जना संक्रमणबाट मुक्त भएका छन् । सोमबारको नियमित मिडिया ब्रिफिङमा कोरोनाबाट थप १० जनाको मृत्यु भएको मन्त्रालयद्वारा जारी सूचनामा उल्लेख छ ।
हाल देशभर सक्रिय संक्रमितको संख्या १६ हजार ६०६ रहेको मन्त्रालयले जनाएको छ । यस्तै,२४१ जना क्वारेन्टाइनमा छन् ।
प्रकाशित : आश्विन १८, २०७८ १८:४८