एमालेमा एकछिन ग्रहण लागे जस्तो भएको छ : ओली- समाचार - कान्तिपुर समाचार
कान्तिपुर वेबसाईट
AdvertisementAdvertisement

एमालेमा एकछिन ग्रहण लागे जस्तो भएको छ : ओली

कान्तिपुर संवाददाता

भक्तपुर — नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले पार्टी विभाजनले एमालेमा एकछिन ग्रहण लागे जस्तो मात्र भएको बताएका छन् ।

बिहीबार जिल्ला समन्वय समिति भक्तपुरले आयोजना गरेको पुस्तक विमोचन तथा विद्युतीय सूचना केन्द्र उद्घाटन कार्यक्रममा अध्यक्ष ओलीले पार्टी विभाजन सूर्यमा बादल लागे जस्तो, ग्रहण लागे जस्तो मात्र भएको बताएका हुन् ।

कार्यक्रममा पार्टी विभाजनमा लागेका माधवकुमार नेपाललाई लक्षित गर्दै अध्यक्ष ओलीले भने, ‘हिजो कोही समातेर घिसाउँदै र घिसारिँदै हिँडे, संसारमा कुनै पात नझर्ने रुख हुँदैन । हामीमा त्यस्तै भयो ।’

आफू सबैभन्दा जिम्मेवार पार्टी अध्यक्षको हैसियतले कसैलाई उचाल्ने पछार्ने भन्दा पनि राष्ट्र निर्माण र समृद्धिको बाटोमा लागेको ओलीले बताए । ‘देशभरी अहिले पनि हामी नै धेरै सरकारमा छौं, ७ वटै प्रदेशमा हाम्रो जनप्रतिनिधि धेरै छ,’ उनले भने, ‘हाम्रो ध्यान देशको विकासमा छ ।’

सोही कार्यक्रममा पूर्वमन्त्री एवं एमालेका नेता महेश बस्नेतले शेरबहादुर देउवा नेतृत्वको सरकार ५ हप्तासम्म पनि निस्क्रिय भएर बसेको बताए ।

प्रकाशित : भाद्र ३, २०७८ १६:०७
प्रतिक्रिया
पठाउनुहोस्

थरूहट, थारूवान विद्रोहको ६ वर्ष : माइतीघरमा प्रदर्शन [तस्बिरहरू]

तस्बिर : बिजु महर्जन

काठमाडौँ — थरुहट, थारुवान आन्दोलनको ६ वर्ष पुगेको अवसरमा काठमाडौंको माइतीघर मण्डलामा गरिएको प्रदर्शनमा गरिएको छ । थरुहट, थारुवान राष्ट्रिय मोर्चाको आयोजनामा बुधबारदेखि जारी प्रदर्शन शुक्रबारसम्म गरिने आयोजकले बताएका छन् । प्रदर्शन र धर्नामा सहभागीले सांसद रेशम चौधरीको रिहाइ गर्न, गिरिशचन्द्र लाल नेतृत्वको आयोगको प्रतिवेदन सार्वजनिक गर्न, टीकापुर घटनामा दोषी ठहर भइ जेलमा रहेकाहरुलाई रिहाइको माग गरेका छन् । प्रदर्शनमा कविता वाचनका साथ साथै शिल्पी थिएटरले नाटक पनि प्रदर्शन गरेको थियो । प्रदर्शनमा नागरिक आन्दोलनका अगुवासमेत सहभागी हुँदै आएका छन् ।


प्रकाशित : भाद्र ३, २०७८ १५:२०
पूरा पढ्नुहोस्
प्रतिक्रिया
पठाउनुहोस्
×