अराजक र पदलोलुपलाई पार्टी विभाजन गर्ने वैधानिक आधार दिन ल्याइएको अध्यादेश निन्दनीय : एमाले

स्थायी कमिटीको मंगलबारको बैठकपछि प्रवक्ता ज्ञवालीले भने, 'प्रमुख प्रतिपक्षी दलकभित्रका केही अराजक र पदलोलुपलाई पार्टी विभाजन गर्न वैधानिक आधार प्रदान गर्ने आपत्तिजनक, निन्दनीय र विभाजनकारी छ ।'

अध्यादेश ल्याएपछि एमालेबाट पदलोलुप केही नेता बाहिरिने उनको भनाइ थियो ।

सरकारको यस्ता क्रियाकलापले मुलुकलाई संकटतिर धकेल्ने पनि ज्ञवालीको भनाइ थियो । गठबन्धन सरकारका असंसदीय, अलोकतान्त्रिक कदमको सशक्त प्रतिवाद गर्ने पनि एमालेले निर्णय गरेको छ । पार्टी विभाजनको विरुद्ध र एकताको पक्षमा उभिन पनि एमाले स्थायी कमिटीले पार्टीका नेता र कार्यकर्ताहरूलाई आह्वान गरेको छ ।

संसद् चाहिन्छ भन्ने र संसद्बाट शासन गर्ने भनेर गठबन्धनले साझा न्यूनतम कार्यक्रममा गरेको प्रतिबद्धता ढोंग र आडम्बर रहेछ भन्ने साविति भएको ज्ञवालीको भनाइ थियो ।

एमालेले पछिल्लो राजनीतिक घटनाक्रमबारे छलफल गर्नका लागि आजै संसदीय दलको बैठक पनि बोलाएको छ ।