खोप आपूर्तिमा सहजीकरण गरिदिन भारतीय विदेशमन्त्रीलाई परराष्ट्रमन्त्री ज्ञवालीको अनुरोध- समाचार - कान्तिपुर समाचार
कान्तिपुर वेबसाईट
AdvertisementAdvertisement

खोप आपूर्तिमा सहजीकरण गरिदिन भारतीय विदेशमन्त्रीलाई परराष्ट्रमन्त्री ज्ञवालीको अनुरोध

जगदीश्वर पाण्डे

काठमाडौँ — कोभिड–१९ संक्रमणको दोस्रो लहर बढ्दै गइरहेका बेला नेपालले भारतलाई खोप आपूर्तिका लागि सहजीकरण गरिदिन आग्रह गरेको छ ।

परराष्ट्रमन्त्री प्रदीपकुमार ज्ञवालीले शुक्रबार भारतका विदेशमन्त्री एस जयशंकरसँग टेलिफोन संवाद गर्दै खोप आपूर्ति सहज बनाउन आग्रह गरेका हुन् ।

परराष्ट्रमन्त्री ज्ञवालीले भारतीय समकक्षीलाई नेपालमा उच्च जोखिममा रहेका जनतालाई दोस्रो चरणको खोप दिइरहेको जनाउँदै कोभिड–१९ विरुद्ध लड्न भारत सरकारले खोप दिएकामा धन्यवाद दिएका थिए । जवाफमा जयशंकरले खोपको आपूर्तिलगायत महामारीविरुद्ध लड्न नेपाललाई निरन्तर सहयोग गर्ने आश्वासन दिए । ‘उहाँ (विदेशमन्त्री जयशंकर) ले कोरोना भाइरसको नियन्त्रणका लागि नेपालसँग सहकार्य गर्ने विषयमा भारत सकारात्मक रहेको बताउनुभयो,’ मन्त्री ज्ञवालीले कान्तिपुरसँग भने ।

भारतले माघ ८ गते नेपाललाई उपहारस्वरूप १० लाख डोज खोप दिएको थियो । त्यसपछि नेपालले भारतीय खोप उत्पादक कम्पनी सिरम इन्स्टिच्युट अफ इन्डियासँग २० लाख खोप खरिदको सम्झौता गरेको थियो । सम्झौताअनुसार १० लाख खोप आउन बाँकी छ ।

परराष्ट्रमन्त्री ज्ञवालीले पहिला खरिद गरेको खोप र पछि पनि आवश्यकताअनुसार खरिद गर्नुपर्ने विषयमा जोड दिँदै जयशंकरसँग टेलिफोन संवाद गरेका थिए । भारतमा कोरोना भाइरसको दोस्रो लहर सुरु भएसँगै विदेशमा खोप निर्यात नगर्ने भनिए पनि गत साता विदेश मन्त्रालयले त्यसमा सत्यता नभएको सूचना बाहिर ल्याएको थियो ।

ज्ञवाली र जयशंकरबीचको संवादमा दुवै पक्ष खुला सीमा व्यवस्थापनका लागि सहकार्य गर्न सहमत भएका छन् । दुवै मुलुकको खुला सिमाना भएकाले त्यसबाट आउजाउ गर्दा दुवैतर्फ संक्रमणको जोखिम बढी हुन्छ । ‘खुला सिमाना भएकाले कोरोना भाइरसको संक्रमणलाई रोक्न दुवै मुलुकले सहकार्य गर्नुपर्ने हुन्छ । त्यही विषयमा दुवै पक्ष सकारात्मक भयौं,’ मन्त्री ज्ञवालीले भने ।

विज्ञप्तिः

प्रकाशित : चैत्र २७, २०७७ १९:१८
प्रतिक्रिया
पठाउनुहोस्

दुई कम्युनिष्ट पार्टीको एकता तोरी र कोदोको जस्तो थियो : शर्मा

कान्तिपुर संवाददाता

काठमाडौँ — कांग्रेसका प्रवक्ता विश्वप्रकाश शर्माले दुई कम्युनिष्ट पार्टीको एकता तोरी र कोदोको जस्तो रहेको टिप्पणी गरेका छन् ।

काठमाडौंमा शुक्रबार नेपाल निजामति कर्मचारी युनियन संघको राष्ट्रिय भेला तथा विधान अधिवेशनमा बोल्दै उनले एमाले र माओवादी केन्द्रबीचको एकता तोरी र कोदोको जस्तो रहेको बताएका हुन् । उनले कोदो र तोरीले भिन्नाभिन्नै विशेषता बोकेको भए पनि एकै ठाउँमा राखेर पेल्दा तेल नभई पिनामात्रै निस्कने भएकाले ३ वर्षको अवधिमा सिंहदरबारबाट पिनामात्रै निस्किएको टिप्पणी गरे ।

उनले भने, 'दुई वटैले मुठ्ठी बटारेका छन् । दुई वटैले लालसलाम भनेका छन् । उस्तै उस्तै लाग्यो । उहाँहरुले एकता गर्नुभयो । त्यो तोरी र कोदोको एकता जस्तो थियो । एउटा समयमा पुगेपछि यसरी नै टुंगिनु थियो । तोरी र कोदो मिलाएर तेल निकाल्न खोज्यो भने तेल निस्कँदैन । पिना मात्रै निस्कन्छ । ३ वर्षमा सिंहदरबारबाट त्यही पिनामात्रै निस्किएको छ ओलीजीको शासनबाट ।'

सरकारका मन्त्रीले पनि मौरी र झिंगाको भेद नदेखेको भन्दै मौरी भएर कर्मशील ढंगले सेवा प्रदान गर्न कर्मचारीहरुलाई सुझाव दिए । उनले भने, 'उहाँका मन्त्रीजीले पनि मौरी र झिंगाको भेद देख्नुभएन । म तपाईंहरुलाई आग्रह गर्दछु । चित्त दुखाएर बस्ने काम छैन । बरु जसको दृष्टिदोष छ, तिनलाई बदल्ने छौं र मौरी भएर यो मुलुकको निर्माण गर्नलाई कर्मचारीतन्त्रले काम गर्नेछौं भनेर संकल्प लिनुपर्छ ।'

प्रकाशित : चैत्र २७, २०७७ १८:४८
पूरा पढ्नुहोस्
प्रतिक्रिया
पठाउनुहोस्
×