बुधबारबाट खोप अभियान सुरु : स्वास्थ्यमन्त्री- समाचार - कान्तिपुर समाचार
कान्तिपुर वेबसाईट
AdvertisementAdvertisement

बुधबारबाट खोप अभियान सुरु : स्वास्थ्यमन्त्री

प्रथम चरण अन्तर्गत कोभिडको प्रत्यक्ष उपचार सेवा दिने वा खोप व्यवस्थापनमा खटिने स्वास्थ्यकर्मीहरु, खोप केन्द्रमा खटिने सुरक्षाकर्मी तथा स्वयंसेवकहरु, वृद्धाश्रममा रहेकालाई खोप लगाइने
कान्तिपुर संवाददाता

काठमाडौँ — नेपालमा आगमी बुधबारबाट कोभिड–१९ विरुद्धको खोप अभियान थालिने स्वास्थ्य तथा जनसंख्यामन्त्री हृदयेश त्रिपाठीले बताएका छन् । माघ १४ गते बिहान १० बजेबाट खोप लगाउन सुरु गरिने उनले बताए ।

'कोरोना खोपको प्रधानमन्त्री केपी शर्मा ओलीबाट शुभारम्भ हुनेछ । खोप प्राथमिकतामा रहेका व्यक्तिहरुलाई लगाइनेछ', मन्त्री त्रिपाठीले भने, 'सातैवटा प्रदेशहरुमा रहेका अस्पताल र काठमाडाैंका रहेका प्रमुख अस्पतालहरु भर्चुअल रुपमा जोडिएर कार्यक्रम सुरु हुनेछ ।'

मन्त्री त्रिपाठीका अनुसार सात प्रदेशका ६२ वटा अस्पताल र १२० खेाप केन्द्रबाट खोप लगाउन थालिने छ । खोप अभियान माघ १८ गते भित्र ७७ वटै जिल्लाका ३ सय खोप केन्द्रबाट समेत हुनेछ । 'प्रथम चरणको खोप १० दिनभित्र सम्पन्न गर्ने लक्ष्य राखिएको यो अभियानमा ४ लाख ३० हजार जनालाई खोप लगाउने लक्ष्य छ, ' मन्त्री त्रिपाठीले थपे ।

प्रथम चरण अन्तर्गत फोहर व्यवस्थापनमा खटिने फोहर संकलक तथा चालक, एम्बुलेन्स शव वाहनका चालक–सहचालकहरु, कोभिडको प्रत्यक्ष उपचार सेवा दिने वा खोप व्यवस्थापनमा खटिने स्वास्थ्यकर्मीहरु, खोप केन्द्रमा खटिने सुरक्षाकर्मी तथा स्वयंसेवकहरु, अन्तर्राष्ट्रिय प्रवेश विन्दुमा कार्यरत स्वास्थ्यकर्मी तथा कर्मचारीहरु, महिला स्वयंसेविका, वृद्धाश्रममा रहेकालाई खोप लगाइने छ ।

स्वास्थ्यमन्त्रीले प्रथम चरणको खोप अभियान सक्नुभन्दा अगाडि नै नयाँ खोप पाइसक्ने विश्वास व्यक्त गर्दै यो अभियानको निरन्तरता हुने बताए ।

प्रकाशित : माघ ११, २०७७ १९:४१
प्रतिक्रिया
पठाउनुहोस्

तीनै तहमा प्रतिनिधित्वको माग

कान्तिपुर संवाददाता

काठमाडौँ — राष्ट्रिय अपांग महासंघले मुलुकका तीनै तहमा समानुपातिक समावेशी कोटाबाट अपांगता भएका व्यक्तिहरुको प्रतिनिधित्व हुनुपर्ने माग राखेको छ । आइतबार काठमाडौंमा आयोजित अपांगता भएका व्यक्तिहरुको समस्या र सवाल बिषयक प्रधानमन्त्रीसंग साक्षात्कारमा संघिय र प्रदेश संसदमा कम्तिमा दुई प्रतिशत तथा स्थानीय तहमा एक पालिकामा एक अपांगता भएका व्यक्तिको प्रतिनिधित्व हुनुपर्ने माग गरिएको हो ।

कार्यक्रममा राष्ट्रिय अपांग महासंघका अध्यक्ष मित्रलाल शर्माले अपांगता भएका व्यक्तिहरु सधैं दयाको पात्र बन्न नचाहेको बताए । ‘सरकारसंग सधै मागेर होइन्, हामी आफै नेतृत्वमा रहेर निर्णय गर्न चाहन्छौं,’ उनले भने ।

महासंघले सरकारलाई ५३ बुदे संयुक्त मागसमेत पेश गरेको छ । कार्यक्रममा प्रधानमन्त्री केपी शर्मा ओलीले मागप्रति आफू सकारात्मक भएको भन्दै आवश्यक सुनुवाई हुने बताए । महिला, बालबालिका तथा ज्येष्ठ नागरिकमन्त्री जुलीकुमारी महतोले अपांगता भएका व्यक्तिहरुको सहज र मर्यादित जिवनयापनका लागि नीतिगत र कानुनी व्यवस्था गर्न मन्त्रालय प्रयत्नशिल रहेको बताइन् । निर्वाचन आयोगका अनुसार स्थानीय तहमा ०.०१ प्रतिशत, प्रदेशसभामा ०.५४ प्रतिशत र संघीय संसद्मा १.७९ मात्र अपांगता भएका व्यक्तिहरूको प्रतिनिधित्व छ ।

प्रकाशित : माघ ११, २०७७ १९:०९
पूरा पढ्नुहोस्
प्रतिक्रिया
पठाउनुहोस्
×