उपत्यकामा २४ घण्टामा थपिए १ हजार ७०२ कोरोना संक्रमित - समाचार - कान्तिपुर समाचार

उपत्यकामा २४ घण्टामा थपिए १ हजार ७०२ कोरोना संक्रमित 

कान्तिपुर संवाददाता

काठमाडौँ — पछिल्लो २४ घण्टामा काठमाडौं उपत्यकामा नयाँ १ हजार ७०२ कोरोना संक्रमित देखिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १ हजार ४३१, ललितपुरमा १२३ र भक्तपुरमा १४८ जना संक्रमित देखिएका हुन् ।

२४ घण्टामा जम्मा १३ हजार ८६१ पीसीआर परीक्षण भएका छन् ।

पछिल्लो २४ घण्टामा मुलुकभर भने ३ हजार ९३ कोरोना संक्रमित थपिएका छन् । त्यस्तै २ हजार १०८ जना कोरोनामुक्त भएर घर फर्किएका मन्त्रालयले जनाएको छ ।

प्रकाशित : कार्तिक ४, २०७७ १६:४८
प्रतिक्रिया
पठाउनुहोस्

पछिल्लो २४ घण्टामा ३ हजार ९३ कोरोना संक्रमित थपिए, २ हजार १०८ जना कोरोनामुक्त

कान्तिपुर संवाददाता

काठमाडौँ — पछिल्लो २४ घण्टामा मंगलबार थप ३ हजार ९३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयले आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले हालसम्म १ लाख ३९ हजार १२९ संक्रमितको संख्या पुगेको जनाए । 

यो सँगै देशभरी सक्रिय संक्रमितको संख्या हालसम्म ४१ हजार ७५५ पुगेको छ ।

त्यसैगरी २४ घण्टामा २ हजार १०८ जना कोरोना संक्रमणबाट निको भएर घर फर्किएका छन् । यो सँगै निको हुनेको संख्या ९६ हजार ६०९ रहेको छ ।

मन्त्रालयका अनुसार हालसम्म पीसीआर विधिबाट १३ लाख १४ हजार ७७९ परीक्षणहरु गरिएका छन् । २४ घण्टामा जम्मा १३ हजार ८६१ पीसीआर परीक्षण भएका छन् ।

हालसम्म क्वारेन्टाइनमा रहनेको संख्या ४ हजार २२० जना रहेका छन् । त्यसैगरी २४ घण्टामा ८ जनाको कोरोना संक्रमणबाट मृत्यु भएको छ । यो सँगै नेपालमा मृत्यु हुनेको संख्या ७६५ पुगेको छ ।

प्रकाशित : कार्तिक ४, २०७७ १६:४३
पूरा पढ्नुहोस्
प्रतिक्रिया
पठाउनुहोस्
×