तिलोत्तमा — बुटवलस्थित लुम्बिनी प्रादेशिक अस्पतालमा मृत्यु भएका एक जनामा बिहीबार बिहान कोरोना संक्रमण पुष्टि भएको छ ।
कोटहीमाई गाउँपालिका–८ का ४२ वर्षीय पुरुषमा मृत्युपछि कोरोना संक्रमण पुष्टि भएको हो । उनलाई श्वासप्रश्वासमा समस्या र ज्वरो आएपछि बुधबार दिउँसो ३ बजे अस्पताल ल्याईएको अस्पतालका प्रवक्ता डा. विष्णु गौतमले बताए । उपचारका क्रममै उनको साँझ ६ बजे मृत्यु भएको थियो ।
बुधबार साँझ नै स्वाब संकलन गरी पीसीआर परीक्षणका लागि पठाइएको थियो । बिहीबार आएको पीसीआर रिपोर्टमा कोरोना पोजिटिभ देखिएको डा. गौतमले जानकारी दिए ।
