नेपालमा १५ सय ५९ जना कोरोना संक्रमित थपिए, २४ घन्टामा १ हजार ५७ डिस्चार्ज- समाचार - कान्तिपुर समाचार

नेपालमा १५ सय ५९ जना कोरोना संक्रमित थपिए, २४ घन्टामा १ हजार ५७ डिस्चार्ज

कान्तिपुर संवाददाता

काठमाडौँ — नेपालमा बुधबार १५ सय ५९ जना कोरोना संक्रमित थपिएका छन् । 

पछिल्लो २४ घन्टामा  १५ सय ५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा बुधबार प्रवक्ता डा जागेश्वर गौतमले जानकारी दिएका हुन् । 

नयाँ थपिएका कोरोना संक्रमितसँगै नेपालमा कोरोना संक्रमितको संख्या ७७ हजार ८ सय १७ पुगेको प्रवक्ता गौतमले बताए ।

२४ घन्टामा १२ हजार २ सय ५ पीसीआर परीक्षण भएका छन् ।

यसैगरी पछिल्लो २४ घन्टामा कोरोनामुक्त भएर १ हजार ५७ जना घर फर्किएका छन् । यो सँगै नेपालमा कोरोनामुक्त हुनेको संख्या ५६ हजार ४ सय २८ जना पुगेको छ ।

प्रकाशित : आश्विन १४, २०७७ १६:२३
प्रतिक्रिया
पठाउनुहोस्

बाँकेमा कोरोना संक्रमित ३५ वर्षीया महिलाको मृत्यु

रुपा गहतराज

नेपालगन्ज — बाँकेमा कोरोना संक्रमित एक महिलाको बुधबार मृत्यु भएको छ । नेपालगन्ज-१ की ३५ वर्षीया महिलाको भेरी अस्पतालमा उपचारको क्रममा दिउँसो २ बजेर १५ मिनेटमा मृत्यु भएको प्रमुख जिल्ला अधिकारी रामबहादुर कुरुवाङ्गले जानकारी दिए ।

ती महिला स्वास्थ्यमा समस्या आएपछि असोज २ गते भेरी अस्पतालमा भर्ना भएकी थिइन । असोज ३ गते उनलाई कोरोना पुष्टि भएको थियो । महिलाको फोक्समा निमोनिया समेत देखिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए ।

श्रेष्ठका अनुसार मृतक महिला मधुमेह उच्च,रक्तचाप रोगबाट ग्रसित थिइन् । बाँकेमा योसँगै कोरोनाबाट मृत्यु हुनेको संख्या १६ पुगेको छ ।

प्रकाशित : आश्विन १४, २०७७ १५:२८
पूरा पढ्नुहोस्
प्रतिक्रिया
पठाउनुहोस्
×