कोरोना संक्रमित हेटौंडाकी १७ वर्षीया किशोरीको चितवनमा मृत्यु
चितवन — कोरोना भाइरसको संक्रमण देखिएकी मकवानपुर हेटौंडा–१० की १७ वर्षीया किशोरीको चितवन भरतपुरमा रहेको मेडिकल कलेजको शिक्षण अस्पतालमा आइतबार मृत्यु भएको छ ।
अस्पतालका निर्देशक डा.दयाराम लम्सालका अनुसार ती किशोरी स्वासप्रश्वास तथा निमोनियाको समस्या भएका कारण भदौ २२ गते अस्पताल भर्ना भएकी थिइन् । भदौ २४ गते उनलाई कोरोना भाइरसको संक्रमण पुष्ट भएको थियो ।
आईसीयूमा उपचाररत उनको आइतबार पौने चार बजे मृत्यु भएको अस्पतालले जनाएको छ ।
यसअघि आइतबार चितवन कालिका नगरपालिका–५ का ५५ वर्षीय पुरुषको पनि चितवन मेडिकल कलेजमा मृत्यु भएको थियो । उनमा पनि नियमोनिया र स्वासप्रश्वास कै समस्या थियो ।
प्रकाशित : आश्विन ४, २०७७ १८:३४प्रतिक्रिया
