कांग्रेस महामन्त्री शशांक कोइराला अस्पताल भर्ना- समाचार - कान्तिपुर समाचार
कान्तिपुर वेबसाईट
AdvertisementAdvertisement

कांग्रेस महामन्त्री शशांक कोइराला अस्पताल भर्ना

स्वास्थ्य अवस्था सामान्य : अस्पताल
कान्तिपुर संवाददाता

काठमाडौँ — कोरोना संक्रमण पुष्टि भएपछि होम आइसोलसनमा बसेका कांग्रेस महामन्त्री डा. शशांक कोइराला अस्पताल भर्ना भएका छन् । निमोनियाको शंका लागेपछि मंगलबार साँझ ८ बजे चाबहिलस्थित ओम् अस्पताल भर्ना भएको कोइरालाका स्वकीय सचिव भरत तिवारीले जानकारी दिए ।

कोइरालालाई माइल्ड खालको निमोनिया र ज्वरो देखिएको अस्पतालका प्रवक्ता विनोद अधिकारीले कान्तिपुरलाई बताए । ‘उहाँमा हल्का ज्वरो र रुघाखोकी देखिएको छ । स्वास्थ्य अवस्था सामान्य छ । उहाँलाई प्यारासिटामोल दिएर आईसीयूभित्रको आइसोलेसनमा चिकित्सकीय निगरानीमा राखिएको छ,’ प्रवक्ता अधिकारीले भने ।

कांग्रेस महामन्त्री कोइरालालाई गत भदौ २३ गते कोरोना भाइरसको संक्रमण पुष्टि भएको थियो । धुम्बाराहीस्थित ह्याम्स अस्पतालमा पीसीआर परीक्षण गराउँदा उनमा कोरोना पुष्टि भएको थियो ।

प्रकाशित : भाद्र ३१, २०७७ १०:४९
प्रतिक्रिया
पठाउनुहोस्

नोबेल अस्पतालमा उपचाररत कोरोना संक्रमित महिलाको मृत्यु

देवनारायण साह

मोरङ — विराटनगरस्थित नोबेल अस्पतालमा उपचाररत एक कोरोना संक्रमितको मंगलबार राति मृत्यु भएको छ । बेलबारी–९ बाहुनीकी ६४ वर्षीया महिलाको उपचारका क्रममा मृत्यु भएको अस्पतालका जनसम्पर्क अधिकृत नारायण दाहालले बताए ।

पित्तथैलीको शल्यक्रियाका लागि आएकी उनको सोमबार स्वाब संकलन गरी पीसीआर परीक्षण गर्दा मंगलबार पोजिटिभ रिपोर्ट आएको थियो ।

मोरङमा हालसम्म कोरोना संक्रमणले मृत्यु हुनेको संख्या ३० पुगेको छ । जिल्लामा संक्रमितको संख्या २ हजार ३ सय ७६ पुगेको छ जसमा ८ सय ७२ जना निको भइसकेको सामाजिक विकास मन्त्रालयले जनाएको छ ।

प्रकाशित : भाद्र ३१, २०७७ १०:२०
पूरा पढ्नुहोस्
प्रतिक्रिया
पठाउनुहोस्
×