काठमाडौंमा कोरोना संक्रमितको संख्या १० हजार नाघ्यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

काठमाडौंमा कोरोना संक्रमितको संख्या १० हजार नाघ्यो

६२ जनाको मृत्यु, ४ हजार ५ सय २० जना संक्रमणमुक्त
कान्तिपुर संवाददाता

काठमाडौँ — काठमाडौंका कोरोना संक्रमितको संख्या १० हजार नाघेको छ । पछिल्लो २४ घण्टामा ४ सय ४० जनामा कोरोना पुष्टि भएसँगै काठमाडौंमा संक्रमितको संख्या १० हजार २८ पुगेको छ । 

त्यस्तै काठमाडौंमा कोरोनबाट अहिलेसम्म ६२ जनाको मृत्यु भएको छ । पछिल्लो २४ घण्टामा मात्रै काठमाडौंमा ७ जनाको मृत्यु भएको छ । काठमाडौंमा संक्रमण पुष्टि भएकामध्ये ४ हजार ५ सय २० जना निको भएका छन् ।

त्यस्तै उपत्यकाका अन्य जिल्लामा पनि संक्रमितको संख्या बढिरहेको छ । स्वास्थ्य मन्त्रालयका अनुसार सोमबार दिउँसोसम्म ललितपुरमा कोरोना भाइरसबाट संक्रमित हुनेको संख्या एक हजार एक सय ९० पुगेको छ । त्यस्तै ललितपुरमा कोरोनाबाट ९ जनाको मृत्यु भएको छ भने संक्रमण पुष्टि भएकामध्ये ६ सय ८४ निको भएका छन् ।

त्यस्तै भक्तपुरमा पनि कोरोना भाइरसबाट संक्रमित हुनेको संख्या पनि हजार नाघेको छ । भक्तपुरमा कोरोना संक्रमितको संख्या एक हजार ३२ पुगेको छ । भक्तपुरमा कोरोनाले अहिलेसम्म १३ जनाको मृत्यु भएको छ भने कोरोना पुष्टि भएकामध्ये ५ सय १८ जना निको भएका छन् ।

त्यस्तै देशभर पछिल्लो २४ घण्टामा सोमबार मुलुकभर ११ सय ७० जना संक्रमित थपिएका छन् । यस्तै ८ सय ७९ संक्रमित निको स्वास्थ्य मन्त्रालयले जनाएको छ । सोमबारसम्म संक्रमणमुक्त हुनेहरुको संख्या ३९ हजार ५ सय ७६ पुगेको छ ।

मुलुकभर कोरोना संक्रमितको संख्या ५५ हजार ३ सय २९ पुगेको छ भने सक्रिय कोरोना संक्रमितको संख्या १५ हजार ३ सय ९३ पुगेको छ ।

प्रकाशित : भाद्र २९, २०७७ १९:०५
प्रतिक्रिया
पठाउनुहोस्

लुम्बिनी प्रादेशिक अस्पतालमा एक कोरोना संक्रमितको मृत्यु

सन्जु पौडेल

तिलोत्तमा — रुपन्देहीमा थप एक जना कोरोना संक्रमितको मृत्यु भएको छ । सोमबार बुटवलस्थित लुम्बिनी प्रादेशिक अस्पतालमा उपचारका लागि ल्याइएकी सिद्धार्थनगर–५ की ६४ वर्षीया महिलाको मृत्यु भएको प्रादेशिक अस्पतालका सूचना अधिकारी डा विष्णु गौतमले बताए ।

छाती दुख्ने र श्वासप्रश्वासमा समस्या भएपछि अस्पताल ल्याइएकी उनको जीन एक्सपर्ट टेस्टबाट पीसीआर जाँच गर्दा कोरोना संक्रमण भएको थियो । फिभर क्लिनिकमा राखेर उपचार भइरहेकोमा दिउँसो २: ३५ बजे उनको मृत्यु भएको गौतमले जनाए । अस्पताल ल्याउँदा नै अवस्था गम्भीर रहेकोमा परीक्षणको रिपोर्ट र उपचारको व्यवस्थापन गर्दा गर्दै बिरामीको मृत्यु भएको अस्पतालले जनाएको छ ।

प्रकाशित : भाद्र २९, २०७७ १८:४९
पूरा पढ्नुहोस्
प्रतिक्रिया
पठाउनुहोस्
×