विराटनगरका ७० वर्षीय कोरोना संक्रमित पुरुषको सुनसरीमा मृत्यु

प्रतिष्ठानका प्रवक्ता प्राडा निदेश सापकोटाकाअनुसार ज्वरो, खोकीसँगै श्वासप्रश्वासमा कठिनाई भएपछि भदौ १६ गते प्रादेशिक प्रयोगशालामा पीसीआर जाँच गर्दा कोरोना पोजिटिभ देखिएको थियो । त्यसपछि अस्पतालले धरानस्थित कोभिड १९ अस्पतालमा रिफर गरेको थियो ।

उच्च रक्तचापका बिरामी रहेका ती पुरुषलाई प्रतिष्ठानको कोभिड अस्पतालको आईसीयुमा राखेर उपचार गर्दागर्दै मृत्यु भएको हो । शव व्यवस्थापनको पहल भइरहेको प्रतिष्ठानले जनाएको छ ।