कोरोना रोकथामको समन्वय र अनुगमन गर्न प्रत्येक निर्वाचन क्षेत्रमा सांसदको नेतृत्वमा समिति
काठमाडौँ — मन्त्रिपरिषद्को बैठकले कोरोना भाइरस (कोभिड-१९) संक्रमण रोकथाम, नियन्त्रण र उपचारमा सांसदहरूलाई जोडेको छ । आइतबार बसेको मन्त्रिपरिषद्को बैठकले प्रत्येक निर्वाचन क्षेत्रमा प्रत्यक्ष निर्वाचित संघीय सांसदको संयोजकत्वमा एक समिति गठन गर्ने निर्णय गरेको सरकारका प्रवक्ता युवराज खतिवडाले जानकारी दिए ।
अर्थमन्त्री, सूचना तथा सञ्चार प्रविधिमन्त्रीसमेत रहेका खतिवडाले कोभिडको नियन्त्रण र रोकथाम एवं संक्रमितको उपचारमा सांसदहरूको भूमिकालाई स्पष्ट पार्नका लागि उक्त निर्णय लिइएको जानकारी दिए ।
मन्त्रिपरिषद्का निर्णय सार्वजनिक गर्न सिंहदरबारमा सोमबार आयोजित पत्रकार सम्मेलनमा खतिवडाले भने, 'जनप्रतिनिधिहरूलाई कोभिड नियन्त्रणमा खटाउने, भूमिका दिनेबारे सरकारले निर्णय गरेको छ । त्यसका लागि प्रत्येक निर्वाचन क्षेत्रका प्रतिनिधिसभाका प्रत्यक्ष निर्वाचित सांसदको नेतृत्वमा सो क्षेत्रका समानुपातिक सांसद र राष्ट्रिय सभाका सदस्यहरूलाई जनप्रतिनिधिको हैसियतले कोभिडको रोकथाम, नियन्त्रण र उपचारको व्यवस्थाको लागि आवश्यक समन्वय र अनुगमन गर्न अनुरोध गर्ने निर्णय भएको छ ।'
कोरोना संक्रमण रोकथाम, नियन्त्रण तथा संक्रमितको उपचारमा आफूहरूलाई भूमिका नभएको, भूमिकाविहीन बनाइएको भन्दै सांसदहरूले सरकारलाई भूमिका दिन आग्रह गर्दै आएका थिए । सांसदहरूको सोही आग्रहमा सरकारले भूमिका दिएको हो ।
मन्त्रिपरिषद्को बैठकका निर्णयहरू :