संविधान संशोधनमा अनुपस्थित सांसदलाई नेकपाले सोध्यो स्पष्टीकरण- समाचार - कान्तिपुर समाचार
कान्तिपुर वेबसाईट
AdvertisementAdvertisement

संविधान संशोधनमा अनुपस्थित सांसदलाई नेकपाले सोध्यो स्पष्टीकरण

कान्तिपुर संवाददाता

काठमाडौँ — सत्तारुढ नेकपाले निशान छापमा नेपालको नयाँ नक्सा समेट्ने गरि संविधान संशोधनका लागि शनिबार प्रतिनिधि सभामा भएको मतदानमा अनुपस्थित रहेका आफ्ना सांसदलाई स्पष्टीकरण सोधेको छ । नेकपा संसदीय दलका प्रमुख सचेतक देव गुरुङले ५ दिनभित्र स्पष्टीकरण दिन भन्दै अनुपस्थित ४ सांसदलाई पत्र पठाएका हुन् । 

जेठ ३१ गते भएको मतदानमा नेकपा सांसदहरु हरिबोल गजुरेल, गोपालबहादुर बम, धनबहादुर बुढा र शिवकुमार मण्डल अनुपस्थित थिए । नेकपाका ४ सहित उक्त मतदानमा १२ सांसद अनुपस्थित थिए । सरकारले ल्याएको संशोधनको पक्षमा २ सय ५८ मत परेको थियो भने विपक्षमा शून्य मत ।

प्रकाशित : असार २, २०७७ १५:३८
प्रतिक्रिया
पठाउनुहोस्

कांग्रेसद्वारा विराटनगरमा विरोध प्रदर्शन

देवनारायण साह

मोरङ — कोरोना भाइरसको महामारी रोकथाम तथा नियन्त्रण, व्यवस्थित क्‍वारेन्टाइन, पीसीआर परीक्षणको दायरा बढाउनु पर्ने लगायतको माग गर्दै मोरङ कांग्रेसले मंगलबार विराटनगरमा विरोध प्रदर्शन गर्दै प्रमुख जिल्ला अधिकारीमार्फत प्रधानमन्त्रीलाई ज्ञापन पत्र बुझाएको छ ।

क्‍वारेन्टाइनमा थप चिकित्सकको व्यवस्था गर्नुपर्ने, संघ र प्रदेश सरकारले मापदण्ड अनुसारको क्‍वारेन्टाइन व्यवस्थापनका लागि स्थानीय तहलाई बजेट उपलब्ध गराउनुपर्ने लगायतका मागहरु ज्ञापन पत्रमा उल्लेख छ । कांग्रेसले जिल्लामा १ हजार शय्याको आइसोलेसन वार्डका साथै कोभिड १९ अस्पतालको संख्या पनि बढाउनुपर्ने माग राखेको छ ।

कारागारमा रहेका कैदीबन्दीहरुलाई उचित स्वाथ्योपचारको व्यवस्था गर्नुपर्ने, अग्रपंक्तीमा खटिनेहरुलाई व्यक्तिगत सुरक्षाको व्यवस्था गर्नुपर्ने, लकडाउन अवधीमा विद्यार्थीहरुले तिर्नुपर्ने शुल्क मिनाहा गर्नुपर्ने, विदेशबाट फर्किन चाहनेलाई सहुलियत खर्चमा नेपाल ल्याउनु पर्ने, कोभिड १९ नियन्त्रणमा सरकारले गरेको खर्चमा व्यापक अनियमितता भएकाले छानबिन गरी दोषीमाथि कारबाही गरिनुपर्ने माग राख्दै कांग्रेसले ज्ञापनपत्र बुझाएको हो ।

प्रकाशित : असार २, २०७७ १५:०७
पूरा पढ्नुहोस्
प्रतिक्रिया
पठाउनुहोस्
×