भारतमा मृत्यु भएका दाङका एक व्यक्तिमा कोरोना

भारतको राजस्थानमा मजदूरी गर्दै गएका ती पुरूषको बिरामी भएर तीन दिनअघि नयाँ दिल्लीमा मृत्यु भएको प्रमुख जिल्ला अधिकारी गोविन्दप्रसाद रिजालले बताए ।

दमका रोगी रहेका ती व्यक्ती उपचारका लागि नयाँ दिल्ली गएका थिए । अन्तिम संस्कारका लागि उनलाई साथमै रहेका आफन्तहरूले आइतबार दाङ ल्याएपछि आशंका लागेर स्वाब परीक्षण गरिएको थियो ।

अहिले नेपाली सेनाले शव व्यवस्थापन गर्ने तयारी गरिरहेको प्रमुख जिल्ला अधिकारी रिजालले जानकारी दिए। उनलाई लिएर आउने सबैलाई ट्रेसिङ गरिएको उनले बताए ।