प्रधानमन्त्रीले आज राष्ट्रका नाममा सम्बोधन गर्ने, मन्त्रिपरिषद् बैठक बस्दै

कान्तिपुर संवाददाता

काठमाडौँ — प्रधानमन्त्री केपी शर्मा ओलीले आज (सोमबार) साँझ राष्ट्रका नाममा सम्बोधन गर्ने भएका छन् ।  साँझ ५.३० बजे प्रधानमन्त्री ओलीले राष्ट्रका नाममा सम्बोधन गर्ने प्रधानमन्त्रीका प्रेस सल्लाहकार सूर्य थापाले बताए ।

सम्वोधनको नेपाल टेलिभिजनले प्रत्यक्ष प्रसारण गर्नेछ ।

प्रधानमन्त्रीको सम्वोधनअघि मन्त्रिपरिषद्को बैठक पनि बस्दै छ । बैठकमा विदेशमा समस्यामा परेका नेपालीलाई ल्याउने विषयमा छलफल हुने बताईएको छ ।

यसै विषयमा छलफल गर्न आईतबार नै मन्त्रिपरिषद् बैठक बोलाइएको थियो । तर, अन्तिम समयमा बैठक स्थगित भएको थियो । त्यही बैठक सोमबार साँझ ५ बजे बस्ने भएको हो ।

पछिल्लो समय अतिक्रमित भूमि समेटेर नयाँ नक्सा जारी भएपछि प्रधानमन्त्री ओलीले संसदमा सम्वोधन गरेका थिए । नयाँ नक्साअनुसार देशको निशान छाप बनाउनका लागि सरकारले सरकारले संसदमा संविधान संशोधन प्रस्ताव दर्ता गरेको छ ।

नयाँ नक्सा, बढ्दो कोरोना संक्रमण र लकडाउन सम्वोधनका विषय हुनसक्ने एक मन्त्रीले बताए ।

प्रकाशित : जेष्ठ १२, २०७७ १५:४१
प्रतिक्रिया
पठाउनुहोस्

डाेजरले डाँडा काेतरेपछि... [तस्बिरहरू]

अ‌ंगद ढकाल

भक्तपुर — चाँगुनारायण नगरपालिकाको बिडोलमा इँटा भट्टाहरुले खनेर माटो निकालेपछि ढिस्कोमा रुख मात्रै बाँकी देखिन थालेका छन् । भक्तपुर जिल्लाभरी करिब ६० वटाभन्दा इँटा भट्टा सञ्चालनमा रहेका छन् । त्यसमध्ये ५० वटा भन्दा बढी चाँगुनारायण नगरपालिकामा र बाँकी सूर्यविनायक नगरपालिकामा रहेका छन् । यी तस्बिर बिडोल गाउँको हो जहाँ १४ वटाभन्दा बढी इँटा भट्टा सञ्चालनमा छन् । भट्टा सञ्चालनको लागि प्रयोग हुने माटो वरीपरीको डाँडो काटेर निकालिएको छ भने रुख भएको स्थान मात्र छोडिएको छ । जसले गर्दा गाउँ नै कुरुप देखिएको छ ।


प्रकाशित : जेष्ठ १२, २०७७ १५:३३
पूरा पढ्नुहोस्
प्रतिक्रिया
पठाउनुहोस्
×