र्‍यापिड परीक्षण विधि र मापदण्डबारे आज निर्णय हुने- समाचार - कान्तिपुर समाचार
कान्तिपुर वेबसाईट
AdvertisementAdvertisement

र्‍यापिड परीक्षण विधि र मापदण्डबारे आज निर्णय हुने

चित्रांग थापा

धनगढी — कोरोना भाइरसको उच्च जोखिममा रहेको सुदूरपश्चिमका कैलाली र कञ्चनपुरसमेत बागलुङमा सुरु गरिने भनिएको र्‍यापिड परीक्षण सुरु गर्ने  विषयमा आइतबार विज्ञहरुको टोलीले विधि र मापदण्ड निर्धारण गर्ने भएको छ ।

‘अहिले स्वास्थ्य सेवा विभागमा यसबारे विज्ञहरुको उच्चस्तरिय बैठक बसिरहेको छ’ सुदूरपश्चिम क्षेत्रीय स्वास्थ्य निर्देशक डा. गुणराज अवस्थीले भने, ‘बैठकको सुझावअनुसार र्‍यापिड परीक्षण सुरु हुने विभागबाट जानकारी प्राप्त भएको हो ।’ यो प्रक्रियाअन्तर्गत विभिन्न जिल्लाका क्वारेन्टाइन र घरमै सेल्फ क्वारेन्टाइनमा रहेका शंकास्पद व्यक्तिहरुको स्वाब संकलन गरेर परीक्षण गरिने उनले जानकारी दिए ।


दक्ष स्वास्थ्यकर्मीको टोली खटाएर शंकास्पद व्यक्तिहरुको स्वाब संकलन गरी प्रयोगशाला भएको ठाउँमा पुर्‍याएर परीक्षण गरिने डा. अवस्थीले बताए । ‘भारतबाट आएका हजारौं व्यक्तिहरुको परीक्षण गर्न सम्भव देखिदैन, वर्ष दिन बढी लाग्न सक्छ’ उनले भने, ‘अहिलेको अवस्थामा पनि परीक्षण गर्न प्रयोगशाला प्रयाप्त छैन ।’


उनका अनुसार गत बिहीबारदेखि धनगढीको सेती प्रादेशिक अस्पतालमा सञ्चालन भएको प्रयोगशालामा दैनिक १० जनाको मात्र परीक्षण गर्न सक्ने क्षमता रहेको बताए । ‘बिहानैदेखि साँझसम्म काम गर्दा पनि १० भन्दा बढीको परीक्षण हुन सक्दैन,’ उनले भने । उनले हाल सेती अस्पतालमा विशेषज्ञ ४ जनासहित अस्पतालका ल्याब टेक्निसियनहरुको टोली परीक्षणमा संलग्न रहेको उनले बताए ।


क्षेत्रीय निर्देशक डा. अवस्थीले २ साता क्वारेन्टाइनमा रहेका र कुनै प्रकारको कोरोना संक्रमणको लक्षण नदेखिएकाहरुलाइ घर फिर्ता पठाउने विश्वव्यापी मापदण्ड रहेको बताए । ‘विश्व स्वास्थ्य संगठनको गाइडलाइन पनि यही हो’ उनले भने ।

प्रकाशित : चैत्र २३, २०७६ १३:०२
प्रतिक्रिया
पठाउनुहोस्

चिया बगानमा लकडाउन उल्लंघन

पर्वत पाेर्तेल

झापा — झापाको टोकला चिया बगानले लकडाउन उल्लंघन गर्दै चिया श्रमिकलाई काममा खटाएको छ । ३ सयभन्दा बढी श्रमिक शुक्रबारदेखि हरियो पत्ती टिप्ने, लोड गर्ने र कारखानासम्म पुर्‍याउने काममा खटिँदै छन् ।

सरकारले कोरोना भाइरसका कारण देशभरका उद्योगधन्दा बन्द गरे पनि बगान प्रशासनले लकडाउनको दोस्रो साताबाटै कामदार बोलाएको हो ।

‘काममा नआउनेलाई जागिरबाटै निकाल्ने प्रशासनको धम्कीपछि श्रमिकहरू बाध्य भएर काममा आउनुपरेको हो’, एक श्रमिक नेताले भने ।

यसैबीच मेचीनगर नगरपालिकाका मेयर विमल आचार्य, उपमेयर मीना उप्रेती र प्रदेश सांसद गोपाल बुढाथोकीले आइतबार बगान अनुगमन गरेका छन् । नगरपालिकाले गत २१ गते चिया उद्योग सञ्चालनका लागि बगान प्रशासनलाई पत्राचार गरेको थियो । मेयर आचार्यले प्रदेशको कृषि तथा सहकारी मन्त्रालयले १९ गते पत्र पठाएर चिया टिप्ने, ढुवानी र प्रशोधन गरिदिने वातावरण मिलाइदिन आग्रह गरेको जनाए । ‘प्रदेश मन्त्रालयको पत्र कार्यान्वयन गरेर काम लगाउन बगानलाई स्वीकृति दिएका हौं,’ उनले भने ।

अनुगमनपछि मेयर आचार्यले त्रिवेणी समूहका प्रमुख सुभास सांघाईसँगको कुराकानीमा केही दिन बगानको काम रोक्न आग्रह गरेको जनाए । नेपाल चिया विकास निगमका प्रमुख लोकनाथ दंगालले प्रदेश मन्त्रालयको पत्रका आधारमा श्रमिकलाई काममा बोलाइएको बताए ।

प्रकाशित : चैत्र २३, २०७६ १२:५८
पूरा पढ्नुहोस्
प्रतिक्रिया
पठाउनुहोस्
×