कान्तिपुर वेबसाईट
AdvertisementAdvertisement

त्रिवि शिक्षण अस्पतालले कोरोना टेली हेल्थ सेन्टरबाट सर्वसाधारणलाई परामर्श दिने

कान्तिपुर संवाददाता

काठमाडौँ —  त्रिवि शिक्षण अस्पतालले सर्वसाधारणको सुविधाका लागि कोरोना टेली हेल्थ सेन्टरबाट सुविधा दिने भएको छ । मंगलबार सूचना जारी गर्दै अस्पतालले बिरामीले कुनै समस्याका बारेमा परामर्श लिनु परेमा जुम, स्काइप वा अस्पतालको हटलाइन नम्बरमा सम्पर्क गर्न सक्ने बताएको हो ।

यसका लागि ०१-४४१००३४ मा डायल गर्न सकिनेछ भने जुम एपको आइडी ८०६१५०९३२४ मा सम्पर्क गर्न सकिने अस्पतालका कार्यकारी निर्देशक प्रा.डा. प्रेमकृष्ण खड्गाले जनाएका छन् । यसबारे थप जानकारी अस्पतालको फेसबुक पेजमा पनि दिइएको छ । जसमा विभिन्न रोगको परामर्श सुविधाको हट नम्बरहरु उपलब्ध गराइएको छ ।


यो सेवा बिहानको १० बजेदेखि दिउँसोको ३ बजेसम्म सम्पर्क गरी लिन सकिने अस्पतालले जनाएको छ । अस्पतालमा आउने बिरामी तथा कुरुवाहरुबाट जोखिम न्यूनीकरण गर्ने उद्धेश्यले सेवाग्राहीका लागि सेन्टरबाट परामर्श दिने सूचनामा उल्लेख छ । अस्पतालले टेली सेन्टरबाटै नाक, कान तथा घाँटी, छालारोग, मनोरोग, नसारोग आदिको परामर्श लिन सकिने छ ।


कर्मचारीले अनवार्य रुपमा परिचयपत्र बोक्नुपर्ने

त्यस्तै त्रिवि शिक्षण अस्पताल महाराजगञ्जमा कार्यरत नर्स, चिकित्सक लगायतका कर्मचारीले अनिवार्य रुपमा परिचयपत्र लगाउनुपर्ने भएको छ ।


अस्पतालले आज एक विज्ञप्ति जारी गरी कोभिड–१९ को संक्रमणको जोखिमलाई मध्यनजर गर्दै सरकारले जारी गरेको सूचनालाई ध्यानमा राखी काममा आउने कर्मचारीलाई अनिवार्य रुपमा परिचयपत्र लगाउन निर्देशन दिएको हो । अस्पतालका कार्यकारी निर्देशक प्रा.डा. प्रेमकृष्ण खड्गाले कोभिड–१९ को सम्भावित संक्रमणलाई ध्यानमा राखेर सरकारले ‘लकडाउन’ गरिसकेको अवस्थामा अस्पतालमा कार्यरत कर्मचारीले अनिवार्य रुपमा परिचयपत्र लगाउनु उचित हुने बताए ।


सरकारले कोभिड–१९ को सम्भावित सङ्क्रमणलाई ध्यानमा राखी आजदेखि आगामी चैत १८ गते साँझ ६ बजेसम्म देशभर ‘लकडाउन’ गर्ने निर्णय गरेको छ । प्रकाशित : चैत्र ११, २०७६ १५:१४

ADVERTISEMENT
प्रतिक्रिया
पठाउनुहोस्
ADVERTISEMENT

'लकडाउन' अवज्ञा गर्ने २ सय सवारी साधन कारबाहीमा

घनश्याम गौतम

(रुपन्देही) — प्रहरीले प्रदेश ५ को अस्थायी राजधानी बुटवलबाट २ सय बढी सवारी साधन र चालकलाई नियन्त्रणमा लिएको छ ।

सरकारले जारी गरेको लकडाउन अवज्ञा गर्दै सडकमा चलेका सवारी सधान मंगलबार बिहानैदेखि नियन्त्रणमा लिएर राखेको हो । तीमध्ये २ जनाले मापसे गरी सवारी चलाएको फेला परेका छन् । उनीहरुलाई बुटवलका विभिन्न ठाउँबाट नियन्त्रणमा लिइएको इलाका प्रहरी कार्यालय बुटवलका प्रहरी नायव उपरीक्षक भिमलाल भट्टराईले बताए ।

नियन्त्रण लिएका सवारी साधन र व्यक्तिलाई ट्राफिक प्रहरी कार्यालय प्रदेश ५, ईलाका प्रहरी कार्यालय, वडा प्रहरी कार्यालय, रामनगर लगायतका स्थानमा राखिएको छ । भट्टराईले सडकमा अनावश्यक रुपमा गुडिरहेका मोटरसाइकल, स्कुटी र कारलाई नियन्त्रणमा राखिएको जनाए ।

पहिलो पटक भएकाले कागज बनाएर साँझमात्र छोडिने प्रदेश ५ ट्राफिक प्रहरी प्रमुख मधुसुदन लुइँटेलले बताए । प्रहरीले मादक पदार्थ सेवन गरेर मोटरसाइकलमा होहल्ला गर्दै हिँडेका बुटवलकै हेमन्त घिमिरे र नवराज श्रेष्ठलाई पनि नियन्त्रणमा राखेको छ ।

प्रकाशित : चैत्र ११, २०७६ १५:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×