कान्तिपुर वेबसाईट
AdvertisementAdvertisement

कोरोनाविरुद्ध सेना : कोर टीम गठन, उपचारका लागि तयार र पीपीई उत्पादन

कान्तिपुर संवाददाता

काठमाडौँ — कोरोना भाइरस (कोभिड- १९) को सम्भावित जोखिमलाई मध्यनजर गर्दै नेपाली सेनाले आन्तरिक तयारी थालेको छ । सेनाको जनसम्पर्क तथा सूचना निर्देशनालयले विज्ञप्ति जारी गर्दै आन्तरिक तयारीबारे जानकारी गराएको हो ।

सेनाले कोरोना भाइरसको उच्च जोखिमलाई मध्यनजर गरी रोकथाम तथा सम्भावित महामारीविरुद्ध न्यूनीकरण तथा प्रभावकारी व्यवस्थापनको आवश्यक तयारी सुरु गरेको नाएको विज्ञप्तिमा लेखिएको , 'कोरोना भाइरस सम्बन्धी कुनै केस आएमा नेपाली सेनाका डाक्टर सहितको रथीवृन्द तथा अधिकृतहरू सहितको कोर टीम गठन गरी सम्पूर्ण युनिट सब युनिटहरू तथा अन्य सरकारी निकायसँगआवश्यक समन्वय गर्ने संयन्त्रको व्यवस्था मिलाइएको '

सेनाले कोरोना बारेमा प्रशिक्षण कार्यक्रम गरिएको, क्वारेन्टाइन स्थापना गरिएको तथा रोकथामका उपायबारे सचेतनामूलक कार्यक्रम सञ्‍चालन गरिएको जनाएको स्थानीय स्तरसम्म यी कार्यक्रम सञ्‍चालनभएको सेनाले जनाएको हो

सेना रहेका हरेक ठाउँमा क्वारेन्टाइन स्थापना गर्न जंगी अड्डाबाट निर्देशन दिएको 'यसै क्रममा हालसम्म नेपाली सेनाले प्रत्येक प्रदेशमा क्वारेन्टाइन आइसोलेसन वार्ड तयार गरेको भने नेपाल सरकारले सीमामा स्थापना गरेको हेल्थ डेस्कहरूमा समेत दक्ष स्वास्थ्यकर्मी लगायत सुरक्षाको लागि नेपाली सेनाका व्यक्तिहरू परिचालन गरिएको ,' सेनाले भनेको

जिल्ला स्तरमा प्रदेश सरकारसँग समन्वय गरेर क्वारेन्टाइन तथा आइसोलेसन स्थापना गर्न सेनाले सहयोग गरिरहेको तथा वडा तहमा पनि ती पूर्वाधार निर्माण गर्न सघाइरहेको सेनाले जनाएको

'कोरोना भाइरस (कोभिड-१९) सम्बन्धी रोकथाम तथा न्यूनीकरणको लागि श्री राष्ट्रिय सेवा दलबाट तालिम प्राप्त विद्यार्थीहरूलाई स्वयंसेवकको रूपमा सचेतना कार्यको लागि परिचालन गर्न सुरु गरिएको छ। नेपाली सेनाका परिचालित सकलदर्जाको सुरक्षाको लागि आवश्यक पीपीई, मास्क, पञ्‍जा तथा सेनिटाइजर उपलब्ध गराउन मिलाउनुका साथै नेपाली सेनाले माक्स पीपीई तथा स्यानिटाइजरको उत्पादनसमेत शुरु गरिसकेको ,' सेनाको विज्ञप्तिमा लेखिएको छ।

बिदामा रहेका सैनिकलाई 'इनडोर क्वारेन्टाइन' अनिवार्य गरिएको, आन्तरिक सचेतता अपनाइएको सेनाले जनाएको सेनाले कोरोना संक्रमण नियन्त्रण तथा बिरामीको उपचारका लागि तयारी अवस्थामा रहेको जनाएको प्रकाशित : चैत्र १०, २०७६ १५:५६

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

प्रदेश ५ सरकारले १० करोडको कोरोना भाइरस नियन्त्रण कोष बनाउने 

सन्जु पौडेल, अमृता अनमोल

बुटवल — प्रदेश ५ सरकारले १० करोड रुपैयाँको कोरोना भाइरस नियन्त्रण कोष बनाउने भएको छ । सोमबार बसेको प्रदेश सरकारको मन्त्रिपरिषद् बैठकले कोष बनाउने निर्णय गरेको हो । 


कोषमा मुख्यमन्त्रीसहितका ६ मन्त्रीहरुले समेत एक महिनाको तलब जम्मा गर्नेछन्। मन्त्रिपरिषद्को बैठकले हरेक आइसोलेसन अस्पताल निर्माणका लागि निर्माण, सञ्चालन र व्यवस्थापन समितिको सदस्य सचिव कार्यरत रहेको कार्यालयमा नियमानुसार खर्च गर्ने गरी एक करोड रुपैंयाका दरले उपलब्ध गराउने निर्णय गरेको छ।

यस्तै कोरोना भाइरस नियन्त्रण, प्रतिकार्य र रोकथामका लागि आइसोलेसन अस्पताल निर्माण, सञ्चालन र व्यवस्थापन गर्न मन्त्रीहरु संयोजक रहने गरी व्यवस्थापन समिति गठन गरेको छ। जसमा लुम्बिनी प्रादेशिक अस्पताल बुटवलका लागि उद्योग, पर्यटन, वन तथा वातावरण मन्त्री संयोजक रहनेछन्।

भिम अस्पताल भैरहवाका लागि संयोजकमा सामाजिक विकास मन्त्री, केन्द्रीय आर्युवेद विद्यापिठ बेलझुण्डी दाङका लागि आन्तरिक मामिला तथा कानुन मन्त्री, शुशिल कोइराला प्रखर क्यान्सर अस्पताल खजुराका लागि भौतिक पूर्वाधार विकास मन्त्री संयोजक रहनेछन्।

बैठकले कानुन मस्यौदा तथा सुझाव कार्यदलको समयावधि असार मसान्तसम्म थप गर्ने, सार्वजनिक खरिद सम्बन्धी प्रदेश नियमावली २०७६ को पहिलो संशोधन स्वीकृत गर्ने निर्णय गरेको मुख्यमन्त्रीका प्रेस सल्लाहकार शेरबहादुर केसीले बताए।

प्रकाशित : चैत्र १०, २०७६ १५:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×