निगमको जापान र दुबई उडान शुक्रबार रातिदेखि स्थगन

सुरज कुँवर

काठमाडौँ — नेपाल वायुसेवा निगमले जापानको नारिता र यूएईको दुबईमा गर्दै आएको नियमित उडान चैत ७ मध्यरातदेखि लागू हुने गरी स्थगित गरेको छ । ‘कोभिड १९ संक्रमण रोकथाम तथा नियन्त्रण उच्चस्तरीय समन्वय समिति’को बैठकले गरेको निर्णय अनुसार ती दुई गन्तव्यको नियमित उडान  चैत्र ३० गतेसम्मका लागि स्थगित गरिएको’ निगमले बिहीबार विज्ञप्तिमार्फत जनाएको छ । 

उसले चैत७ गते र सो भन्दा पछिका उडानका टिकट खरिद गरेका यात्रुहरुलाई टिकट फिर्ता गर्दा भुक्तानी गरेको रकम पूरै उपलब्ध गराइने भनेको छ। यसका अतिरिक्त नियमित उडान चालुरहेका गन्तव्यका लागि टिकट लिएका यात्रुहरुले उडानको एक दिनअघि उडान रद्द गर्न चाहेमा पनि भुक्तानी गरेको पूरै रकम उपलब्ध गराइने जनाउँदै यात्रुहरुको उडान मिति परिवर्तन गर्दा शुल्क नलाग्ने भनेको छ।


यसैबिच हिमालय एयरलायन्सले बिहीबारदेखि लागू हुनेगरी काठमाडौं–ढाका–काठमाडौं उडान अर्को सूचना नआएसम्मका लागि स्थगन गरेको सूचना जारी गरेको छ। प्रकाशित : चैत्र ६, २०७६ १९:३३

ADVERTISEMENT
प्रतिक्रिया
पठाउनुहोस्
ADVERTISEMENT

संग्रहालयहरु पनि बन्द 

सुरज कुँवर

काठमाडौँ — संस्कृती पर्यटन तथा नागरिक उड्डयन मन्त्रालयले हनुमानढोका दरबार संग्रहालय, नारायणहिटी दरबार संग्रहालय, राष्ट्रिय संग्रहालय छाउनी, पाटन संग्रहालय, सांस्कृतिक केन्द्रहरु, राष्ट्रिय अभिलेखालय चैत्र मसान्तसम्मका लागि बन्द गर्ने निर्णय गरेको छ । 

मन्त्रालयका सहप्रवक्ता प्रकाश शर्मा ढकालका अनुसार, मन्त्रालय मातहतका सांस्कृतिक संस्थान, प्रज्ञा प्रतिष्ठानका सभाहल र प्रेक्षालय पनि चैत्र मसान्तसम्मकालागि बन्द गरेको छ।

ती स्थानमा पूर्व निर्धारित कार्यक्रम पनि नगराउन मन्त्रालयले ती केन्द्र प्रमुखलाई निर्देशन दिएको छ। त्यस्तै नेपाल पर्यटन तथा होटल व्यवस्थापन प्रतिष्ठान (नाथम), नेपाल पर्वतीय प्रशिक्षण प्रतिष्ठानले सञ्चालन गर्दै आएका पठनपाठन पनि चैत्र मसान्तसम्मलाई बन्द गर्ने निर्णय गरिएको छ। त्यस्तै मन्त्रालय, विभाग तथा मातहतका निकायले गर्ने तालिम, गोष्ठी, सेमिनार, सभा, सम्मेलन पनि चैत्र ३० गतेसम्मलाई बन्द गरिएको छ।

प्रकाशित : चैत्र ६, २०७६ १९:२४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×