काठमाडौँ — नेपाल वायुसेवा निगमले जापानको नारिता र यूएईको दुबईमा गर्दै आएको नियमित उडान चैत ७ मध्यरातदेखि लागू हुने गरी स्थगित गरेको छ । ‘कोभिड १९ संक्रमण रोकथाम तथा नियन्त्रण उच्चस्तरीय समन्वय समिति’को बैठकले गरेको निर्णय अनुसार ती दुई गन्तव्यको नियमित उडान  चैत्र ३० गतेसम्मका लागि स्थगित गरिएको’ निगमले बिहीबार विज्ञप्तिमार्फत जनाएको छ । 

उसले चैत ७ गते र सो भन्दा पछिका उडानका टिकट खरिद गरेका यात्रुहरुलाई टिकट फिर्ता गर्दा भुक्तानी गरेको रकम पूरै उपलब्ध गराइने भनेको छ  । यसका अतिरिक्त नियमित उडान चालुरहेका गन्तव्यका लागि टिकट लिएका यात्रुहरुले उडानको एक दिनअघि उडान रद्द गर्न चाहेमा पनि भुक्तानी गरेको पूरै रकम उपलब्ध गराइने जनाउँदै यात्रुहरुको उडान मिति परिवर्तन गर्दा शुल्क नलाग्ने भनेको छ ।