६ जना अझै बेपत्ता
काठमाडौँ — वर्षाजन्य विपद्का कारण ललितपुरमा हालसम्म १८ जनाको शव फेला परेको छ । उद्धारका क्रममा फेला परेका १८ वटा शवलाई आनन्दवन अस्पताल, चापागाँउ र पाटन अस्पताल लगखेलमा राखिएको जिल्ला प्रहरी कार्यालयका प्रहरी नायब उपरीक्षक नरहरी अधिकारीले बताए ।
जिल्ला प्रशासन कार्यालयद्वारा जारी सार्वजनिक तथ्यांकअनुसार अनुसार खोज तथा उद्धारका लागि नेपाली सेना, नेपाल प्रहरी, सशस्त्रप्रहरी बल परिचालित भएका छन् ।
महांकाल गाउँपालिकास्थित गोटिखेलका ४ र मानिखेलमा २ जना बेपत्ता भएका छन् । सानेपा, नख्खु हार्मोनी कोलोनी, नखिपोट, बुंगमती, चापागाँउ, यूएन पार्क र इमाडोललगायतको क्षेत्रबाट चार सय १६ जनालाई उद्धार गरेर सुरक्षित स्थानमा सारिएको छ ।
