क्षेत्रपाटी चिकित्सालयमा भेन्टिलेटर थप- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

क्षेत्रपाटी चिकित्सालयमा भेन्टिलेटर थप

कान्तिपुर संवाददाता

काठमाडौँ — क्षेत्रपाटी निःशुल्क चिकित्सालयमा बिहीबार दुईवटा भेन्टिलेटर थपिएको छ । काठमाडौं महानगरपालिकाले थप दुई भेन्टिलेटर दिएपछि अब ४ वटाबाट सेवा दिइने चिकित्सालयले जनाएको छ ।

तस्बिर : मनोजमान श्रेष्ठको फेसबुकबाट

चिकित्सालयमा ६/६ आईसीयू र एचडीयू बेडसहित ३५ बेड छन् । यहाँ कोरोना संक्रमितको निःशुल्क उपचार हुन्छ । चिकित्सालयका अध्यक्ष डा. मनोजमान श्रेष्ठका अनुसार हाल १८ संक्रमित भर्ना छन् । चिकित्सालयलाई बिहीबार नै मिंग्रे कम्पनीले अत्याधुनिक एनेस्थेसिया मेसिन सहयोग गरेको छ ।

यस्तै, अरनिको समाजले तिब्बत सरकारबाट प्राप्त स्वास्थ्यकर्मीले उपचार गर्दा लगाउने पुनः प्रयोग गर्न मिल्ने अत्याधुनिक चार थान ‘हेल्मेट’, अक्सिजन कन्सन्ट्रेटर, मास्क, भाइजर, ग्लोब्सलगायत स्वास्थ्य सामग्री चिकित्सालयलाई प्रदान गरेको छ ।

प्रकाशित : जेष्ठ २१, २०७८ ०८:०२
प्रतिक्रिया
पठाउनुहोस्

अर्जेन्टिना चिलीसँग बराबरीमा रोकियो

अर्जेन्टिनाका मेसी र चिलीका सान्चेेजले एक–एक गोल गरेका थिए
एजेन्सी

मोन्टेभिडियो — दक्षिण अमेरिकी विश्वकप छनोटमा अर्जेन्टिना बिहीबार चिलीसँग १–१ को बराबरीमा रोकिएको छ । लियोनल मेसीले २३औं मिनेटमा पेनाल्टीबाट गोल गर्दै अर्जेन्टिनालाई अग्रता दिलाए पनि त्यसलाई कायम राख्न सकेन ।

चिलीका तर्फबाट एलेक्स सान्चेजले ३६औं मिनेटमा बराबरी गोल फर्काए । यो नतिजापछि अर्जेन्टिनाले ब्राजिललाई उछिनेर अंकतालिकाको शीर्ष स्थानमा उक्लने मौका गुमाएको छ ।

यो नतिजापछि अर्जेन्टिना ५ खेलबाट ११ अंकसहित दोस्रो स्थानमै रह्यो । ब्राजिल ४ खेलबाट १२ अंकसहित शीर्ष स्थानमा रह्यो । बुधबारकै अन्य खेलमा उरुग्वे र पाराग्वेले गोलरहित बराबरी खेले भने बोलिभियाले भेनेजुएलालाई ३–१ ले हरायो ।

प्रकाशित : जेष्ठ २१, २०७८ ०७:४९
पूरा पढ्नुहोस्
प्रतिक्रिया
पठाउनुहोस्
×