पार्टी नेतृत्वको छलफलपछि सुनारी र पाण्डेयलाई टिकट दिएको नेकपा पाल्पाका नेता मथुरा ढकालले बताए।
पाल्पा — नेपाली कम्युनिष्ट पार्टी (नेकपा) ले पाल्पा क्षेत्र नं. १ बाट हुमबहादुर सुनारी मगर र क्षेत्र २ बाट पूर्वमन्त्री सोमप्रसाद पाण्डेयलाई उम्मेद्वार बनाएको छ ।
पार्टी नेतृत्वको छलफलपछि सुनारी र पाण्डेयलाई टिकट प्रदान गरेको नेकपा पाल्पाका नेता मथुरा ढकालले बताए। सुनारी रम्भा गाउँपालिका–२ फोक्सिङ्कोटका हुन् । उनी यसअघि माओवादी केन्द्र पृष्ठभूमिका हुन् ।
क्षेत्र २ मा उम्मेदवार बनेका पूर्वमन्त्री पाण्डेय लामो समयदेखि राजनीतिमा सक्रिय नेता हुन्। उनी २०५१ सालदेखि संसदीय निर्वाचनमा प्रवेश गरेका हुन् । उनी २०५६, २०७० र २०७४ मा पनि निर्वाचित भएका थिए ।
२०६४ को निर्वाचनमा माओवादी उम्मेदवार लीला सोमैसँग पराजित भएका थिए । २०७९ को निर्वाचनमा तत्कालीन नेकपा एकीकृत समाजवादीबाट उम्मेद्वार बनेका उनी कांग्रेस–माओवादी गठबन्धन हुँदा समेत पराजित भएका थिए। पाण्डेय पूर्वउद्योगमन्त्री समेत हुन्।
