तानसेन नगरपालिका–६ का ६१ वर्षीय पुरुषको मिसन अस्पतालमा मृत्यु भएको छ । जेठ ६ गते पीसीआर परीक्षण गर्दा कोरोना पोजेटिभ देखिएका उनको उपचारका क्रमम मृत्यु भएको स्वास्थ्य कार्यालयले जनाएको छ । तानसेन नगरपालिका–७ काजीपौवाका ६६ वर्षीय पुरुषको तानसेन नगरपालिकाले सञ्चालन गरेको आइसोलेसनमा मृत्यु भएको छ । तानसेन नगरपालिका स्वास्थ्य शाखा प्रमुख झविन्द्र न्यौपानेका अनुसार हाई फ्लोमा अक्सिजन दिँदासमेत सुधार आउन सकेको थिएन । उपचारका क्रममा उनको निधन भएको न्यौपानेले बताए । 

रैनादेवी छहरा गाउँपालिका–४ अमलावासकी ७२ वर्षीया महिलाको लुम्बिनी प्रादेशिक अस्पताल बुटवलमा मृत्यु भएको स्वास्थ्य शाखा प्रमुख जीवन रानाले बताए । उनका अनुसार थप उपचारका लागि लगेपनि अस्पतालको गेटमै पुर्‍याउँदा मृत्यु भएको थियो । जेठ ७ गते उनलाई छहरा स्वास्थ्य चौकीमा पोजेटिभ देखिएको थियो । बुटवल उपमहानगरपालिका–७ का ४३ वर्षीय पुरुषको लुम्बिनी मेडिकल कलेजमा उपचारका क्रममा निधन भएको छ । वैशाख २६ गते पीसीआर पोजेटिभ देखिएको र पुन: जेठ ६ गते एन्टिजेन गर्दा पोजेटिभ रिपोर्ट आएको थियो ।  

कोरोना खोपकोरोना भाइरस