मुख्यमन्त्रीका स्वकीय सचिव दीपक यादवको जमानत जफत- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मुख्यमन्त्रीका स्वकीय सचिव दीपक यादवको जमानत जफत

भूषण यादव

वीरगन्ज — मधेस प्रदेशका मुख्यमन्त्री लालबाबु राउत गद्दीका स्वकीय सचिव दीपक यादवको जमानत जफत भएको छ । यादवले पर्साको पटेर्वासुगौली गाउँपालिकाको अध्यक्षमा जनता समाजवादी पार्टी (जसपा) बाट उम्मेदवारी दिएका थिए ।

पटेर्वासुगौलीमा ११ हजार ४५३ मत खसेको थियो । मतगणनाको क्रममा कूल खसेको मतमध्ये २२५ बदर भएका थियो भने ११ हजार २२८ मत सदर भएका थियो । कानुनतः उम्मेदवारले जमानत जोगाउन सदर मतको १० प्रतिशत मत ल्याउनु पर्ने हुन्छ ।

पटेर्वासुगौलीका निर्वाचन अधिकृतका अनुसार जसपाका दीपक यादवले ४ सय ६९ मत मात्र पाएका छन् । जमानत जफत हुन नदिन उम्मेदवारले ११ हजार २२८ मतको १० प्रतिशत भनेको ११ सय २२ मत ल्याउने पर्ने हुन्छ । तर, जसपाका उम्मेदवार दीपक यादवले कूल सदर मतको ५ प्रतिशत भन्दा पनि कम मत पाएका छन् । यादवले पाएको ४ सय ६९ मत भन्दा बढी मत मकै छापका लालबाबु महरले ल्याएका छन् ।

महरले ७२३ मत ल्याएका निर्वाचन कार्यालयले जानकारी दिएको छ । उम्मेदवारी दर्ता अघिसम्म उनी मुख्यमन्त्रीकाका स्वकीय सचिव थिए । पटेर्वासुगौली गाउँपालिकाको अध्यक्षमा कांग्रेसका दिनेश चौधरीले ३ हजार ९४४ मत ल्याई निर्वाचित भएका छन् भने निवर्तमान अध्यक्ष एमालेका उम्मेदवार हरिनारायण चौधरी पराजित भएका छन् । हरिनारायणले ३ हजार ९४४ मत प्राप्त गरेका छन् ।

प्रकाशित : जेष्ठ ५, २०७९ १८:५८
प्रतिक्रिया
पठाउनुहोस्

रोशी गाउँपालिकाको अध्यक्षमा कांग्रेसका लामा र उपाध्यक्षमा माओवादीका वाइवा विजयी

नगेन्द्र अधिकारी

काभ्रे — रोशी गाउँपालिकामा गठबन्धनतर्फका उम्मेदवार विजयी भएका छन् । अध्यक्षमा कांग्रेसका दिनेश लामा र उपाध्यक्षमा माओवादी केन्द्रका मिमबहादुर वाइवा विजयी भएका हुन् ।

अध्यक्षमा लामाले ७ हजार ५ सय ३४ र एमालेका देवसागर लामाले ६ हजार ३ सय ५८ मत ल्याएका छन् । उपाध्यक्षमा माओवादी केन्द्रका मिमबहादुर वाइवा निर्वाचित भएका छन् ।

वाइवाले ६ हजार ६ सय ७२ र एमालेकी बबिता बोहरा क्षेत्रीले ५ हजार ९ सय ४३ मत प्राप्त गरेका छन् । उपाध्यक्षमा निर्वाचित वाइवा २०७४ सालको स्थानीय तहको निर्वाचनमा माओवादी केन्द्रको तर्फबाट अध्यक्ष पदमा पराजित भएका थिए । तत्कालीन मधेशी जनअधिकार फोरमसँग गठबन्धन गरेका उनले २ हजार २ सय १९ मत ल्याएर तेस्रो भएका थिए ।

२०७४ सालमा कांग्रेसका तर्फबाट उम्मेदवार बनेका दलबहादुर लामा ४ हजार ३ सय ७२ मतसहित विजयी भएका थिए । उपाध्यक्षमा कांग्रेसकै लक्ष्मी कुमारी उप्रेती (बर्तौला) ३ हजार ८ सय ९८ मतसहित विजयी भएकी थिइन् ।

प्रकाशित : जेष्ठ ५, २०७९ १८:५४
पूरा पढ्नुहोस्
प्रतिक्रिया
पठाउनुहोस्
×