भेटिएको मतपेटिकामा बराबरी मत, गोलाप्रथामा पनि लामा नै वडाध्यक्षमा विजयी

लामाका निकटतम प्रतिद्वन्द्वी एमालेका रुद्र किङरिङले ७ सय ४४ मत प्राप्त गरेका थिए । तर बिहीबार गणना नभएको एउटा मतपेटिका भेटिएको थियो । त्यसमा रहेको ८४ वटा मत गणना हुँदा लामा र किङरिङको बराबरी मत आएको थियो ।

लामा र किङरिङ दुबैले ७ सय ६६ मत ल्याए। त्यसपछि वडाध्यक्ष विजयी घोषणा गर्न गोला तान्न लगाएको थियो । किङमिङले गोला तान्दा नपरेपछि लामा पुन: विजयी भएको घोषणा गरिएको थियो। लामा भने मतदान गणनास्थलमा उपस्थित थिएनन्।