बहुदरमाई नगरपालिकाको मेयरमा जसपा, उपमेयरमा एमाले विजयी- स्थानीय तह निर्वाचन २०७९ - कान्तिपुर समाचार

बहुदरमाई नगरपालिकाको मेयरमा जसपा, उपमेयरमा एमाले विजयी

भूषण यादव

वीरगन्ज — पर्साको बहुदरमाई नगरपालिकाको मेयरमा जनता समाजवादी पार्टी (जसपा) का सिंगासन सा तेली निर्वाचित भएका छन् ।

निकटतम प्रतिद्वन्द्वी एमालेका शिव पटेललाई ३ सय ४६ मतले पराजित गर्दै तेली मेयरमा निर्वाचित भएका हुन् । जसपाका तेलीले ६ हजार ४ सय मत पाएका छन् भने एमालेका पटेलले ५ हजार ६५८ मत ल्याए । नगरपालिकाका निवर्तमान मेयर एवं कांग्रेसका उम्मेदवार रहेका नितेन्द्र साह तेली ५ हजार ५१६ मत ल्याएर तेस्रो भएका छन् ।

नगरपालिकाको उपमेयरमा ६ हजार ४४० मत ल्याएर एमालेकी सुष्मा कुशवाहा विजयी भएकी छन् । उनले कांग्रेसकी सोनामती देवीलाई ९ सय १५ मतले पराजित गरिन् । सोनामतिले ५ हजार ५२५ मत ल्याएकी छन् ।

प्रकाशित : जेष्ठ ५, २०७९ १४:२४
प्रतिक्रिया
पठाउनुहोस्

सर्लाहीमा लोसपाको पहिलो जित, गोडैताको मेयर/उपमेयरमा विजयी

ओमप्रकाश ठाकुर

सर्लाही — सर्लाहीमा लोकतान्त्रिक समाजवादी पार्टी(लोसपा)ले पहिलो जित निकालेको छ । गोडैता नगरपालिकाका मेयर तथा उपमेयर दुवैमा लोसपाले जित निकालेको हो । 

गोडैता नगरपालिकाका मेयरमा लोसपाका उम्मेदवार देवेन्द्र यादव ५ हजार २ सय ९४ मत ल्याई विजयी भएका छन् । उनले निकटतम प्रतिद्वन्द्वी नेपाली कांग्रेसका उम्मेदवार उपेन्द्रप्रसाद कुशवाहालाई ५ सय ४२ मतान्तरले पराजित गरेका हुन् । पराजित कुशवाहाले ४ हजार ७ सय ५२ मत ल्याएका छन् ।

यस्तै उपमेयरमा लोसपाकै अन्जना कुशवाहा ५ हजार ३ सय १ मत ल्याई विजयी भइन् । उनकी निकटतम प्रतिद्वन्द्वी कांग्रेसकी रामसखीदेवीले ४ हजार ४ सय ९३ मत प्राप्त गरिन् ।

यसअघिको स्थानीय तहको निर्वाचनमा तत्कालीन राजपाले ६ स्थानीय तह जितेको थियो । यस वर्ष भने निर्वाचनमा एक तहमा मात्र सीमित भएको छ ।

जिल्लाको २० स्थानीय तहमध्ये ५ स्थानीय तहको मतगणना भइरहेको छ । जसमध्ये कांग्रेस २ स्थानीय तहमा, एमाले, माओवादी र जसपाले एक–एक स्थानीय तहमा अग्रता लिइरहेको छ ।

प्रकाशित : जेष्ठ ५, २०७९ १४:२४
पूरा पढ्नुहोस्
प्रतिक्रिया
पठाउनुहोस्
x
×