सिल तोडिएको मतपेटिका भेटिएपछि बुटवल- ११ को मतगणना स्थगित

मतपेटिका खोलिएको र स्वस्तिक छाप पनि मतपेटिकाभित्रै भेटिएपछि विवाद उत्पन्न भएको थियो । विवाद बढेपछि बिहान १० बजेपछि गणना स्थगित भएको हो ।

निर्वाचन अधिकृत लेखनाथ पौडेलले अन्य वडाको मतगणना जारी रहे पनि उक्त वडाको गणना रोकिएको बताए । उनले कपडाले अल्झिएर पेटिकाको सिल खसेको हुन सक्ने भए पनि दलीय कार्यकर्ताहरूले विवाद झिकेको बताए ।