भक्तपुरको सूर्यविनायक नगरपालिकामा एमाले विजयी- स्थानीय तह निर्वाचन २०७९ - कान्तिपुर समाचार

भक्तपुरको सूर्यविनायक नगरपालिकामा एमाले विजयी

कान्तिपुर संवाददाता

काठमाडौँ — भक्तपुरको सूर्यविनायक नगरपालिकामा एमालेका उम्मेदवार विजयी भएका छन् । निर्वाचन आयोगका अनुसार सूर्यविनायक नगरपालिका प्रमुखमा नेपाल कम्युनिष्ट पार्टी (एमाले) उम्मेदवार वासुदेव थापा विजयी भएका हुन् । उनले १४ हजार ७ सय ५८ मत ल्याई विजयी भएका छन् ।

थापाले निकटतम प्रतिद्वन्द्वी नेपाली कांग्रेस उम्मेदवार निशान ढुंगेललाई १ हजार ५२६ मतान्तरले पराजित गरेका हुन् । पराजित निशान ढुंगेलले १३ हजार २३२ मत ल्याएका छन् ।

यस्तै उपप्रमुखमा एमालेकै सरिता भट्टराई(तिमिल्सिना) विजयी भएकी छन् । उनले १४ हजार ४ सय ९० मत ल्याएकी छन् । उनका निकटतम प्रतिद्वन्द्वी कांग्रेसका श्यामसुन्दर बस्नेतले ६ हजार ६ सय ६१ मत ल्याएका छन् ।

प्रकाशित : जेष्ठ ५, २०७९ ०५:२९
प्रतिक्रिया
पठाउनुहोस्

पर्वतको कुश्मा नगरपालिकामा कांग्रेसका जोशी निर्वाचित

अगन्धर तिवारी

पर्वत — पर्वतको कुश्मा नगरपालिकामा गठबन्धनको तर्फबाट उम्मेदवारी दिएका नेपाली कांग्रेसका रामचन्द्र जोशी दोस्रो कार्यकालका लागि निर्वाचित भएका छन् । जोशी ९ हजार ८६४ मत ल्याएर विजयी भएका हुन् । उनले नेकपा एमालेका उम्मेदवार गणेश शर्मा पौडेललाई ७७५ मतान्तरले पराजित गरेका हुन् । पराजित गणेश शर्मा पौडेलले ९ हजार ०८९ मत ल्याएका छन् । जोशी नेपाली कांग्रेसको गण्डकी प्रदेशका सहमहामन्त्रीसमेत हुन् ।

उपप्रमुखमा भने नेकपा एमलेकी स्वस्थानी रिजाल निर्वाचित भइन् । रिजालले ९ हजार ०९२ मत ल्याएर विजयी हुँदा गठबन्धनको तर्फबाट उम्मेदवारी दिएका नेकपा माओवादीका शंकर गिरीले ८ हजार २८२ मत ल्याए । १४ वडा रहेको कुश्मामा ८ वडामा कांग्रेसका उम्मेदवार विजयी भए । ५ वडामा नेकपा एमाले र एउटा वडामा स्वतन्त्र उम्मेदवार विजयी भए ।

वडा नम्वर १, २, ४, ५, ७, ८, ९ र १४ मा कांग्रेसका उम्मेदवार विजयी भएका हुन् । वडा नम्वर ३, ६, १०, ११ र १३ मा एमालेले जितेको छ । एमालेले अघिल्लोपटकको निर्वाचनमा जितेका वडा नम्बर १, ७, १२ र १४ गुमायो ।

प्रकाशित : जेष्ठ ५, २०७९ ०५:०४
पूरा पढ्नुहोस्
प्रतिक्रिया
पठाउनुहोस्
x
×