भरतपुरमा दाहाल १५ सय १२ मतले अगाडि- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

भरतपुरमा दाहाल १५ सय १२ मतले अगाडि

रमेशकुमार पौडेल

चितवन — भरतपुर महानगरपालिककाे मेयर पदमा सत्तारूढ गठबन्धनको तर्फबाट मेयर पदकी उम्मेदवार माओवादी केन्द्रकी रेनु दाहाल वडा नम्बर ६ काे मतगणना चल्दै गर्दा फराकिलाे मतान्तर बनाउँदै गएकी छन् ।

दाहाल र मेयर पदमा एमालेका उम्मेदवार विजय सुवेदीबीच १ हजार ५ सय १२ मतकाे अन्तर भएकाे छ । रेनु दाहालले ९ हजार ६ सय ३१ र सुवेदीले ८ हजार १ सय १९ मत ल्याएका छन् । मेयर पदमा स्वतन्त्र उम्मेदवार जगन्नाथ पाैडेलकाे ४ हजार ३६० मत आएकाे छ । भरतपुरकाे वडा नं. ६ सत्तारूढ गठबन्धनका दल नेपाली कांग्रेस र माओवादी केन्द्र दुवैकाे राम्राे प्रभाव रहेकाे वडा हाे ।

याे वडामा उपमेयरमा नेपाली कांग्रेसका चित्रसेन अधिकारीकाे ११ हजार ५ सय १५ र राप्रपाकी हिमला अधिकारीकाे ६ हजार ६ सय ११ मत आएकाे छ । अधिकारी सत्तारूढ गठबन्धनका उम्मेदवार हुन् भने हिमलालाई एमालेकाे समर्थन छ । वडा नम्बर ६ काे वडाध्यक्षमा कांग्रेसका उम्मेदवारकाे दुई हजार ३ सय ५ मत र एमालेका उम्मेदवारकाे एक हजार ८७८ मत आएकाे छ ।

२९ वटा वडा रहेकाे भरतपुरमा कुल १ लाख २७ हजार ८३९ मत खसेकाे छ । ५ वटा वडाकाे सकेर ६ काे गणना चली रहँदा हालसम्म २६ हजार ५२६ मत गनेर सकिएकाे छ ।

प्रकाशित : जेष्ठ ४, २०७९ ०९:४२
प्रतिक्रिया
पठाउनुहोस्

बझाङको जयपृथ्वी नगरपालिकामा गठबन्धनका उम्मेदवार निर्वाचित 

वसन्तप्रताप सिंह

बझाङ — बझाङको सदरमुकाम समेत रहेको जयपृथ्वी नगरपालिकाको मेयर र उपमेयरमा गठबन्धनका उम्मेदवार विजयी भएका छन् । गठबन्धनका तर्फबाट मेयर पदमा नेपाली कांग्रेसका चेतराज बजाल र उपमेयरमा नेकपा (माओवादी केन्द्र)का रतनबहादुर सिंह निर्वाचित भएका छन्।

मुख्यनिर्वाचन अधिकृतको कार्यालयले दिएको जानकारी अनुसार मेयरमा निर्वाचित बजालले ४ हजार ९ सय ७० मत प्राप्त गरेका छन् । उनका निकटतम प्रतिस्पर्धी नेकपा (एमाले)का उम्मेदवार सुरतबहादुर सिंहले ३ हजार ४ सय ९९ मत पाएका थिए । मेयरमा विजयी उम्मेदवारले प्रतिस्पर्धीलाई १ हजार ७ सय ४१ को मतान्तरले पराजित गरेका हुन् । २०७४ सालको स्थानीय तह निर्वाचनमा यो नगरपालिकामा ७४ मतान्तरले एमालेका उम्मेदवार निर्वाचित भएका थिए ।

यस्तै, उपमेयर पदमा निर्वाचित नेकपा (माओवादी केन्द्र)का सिंहले ४ हजार ६ सय २७ मत प्राप्त गरेका छन् । उनका निकटतम प्रतिद्वन्द्वी एमालेकी उम्मेदवार जमुना चन्दले ३ हजार ३ सय ९१ मत पाइन् । जयपृथ्वी नगरपालिकाका ११ वडामध्ये तीन वडामा एमालेका अध्यक्ष निर्वाचित भएका छन् भने कांग्रेस, माओवादी केन्द्र, एकीकृत समाजवादीले दुई-दुई वडाका अध्यक्ष जितेका छन् । यो नगरपालिकाका २ वडाध्यक्षमा भने स्वतन्त्र उम्मेदवार विजयी भएका छन् ।

प्रकाशित : जेष्ठ ४, २०७९ ०९:३३
पूरा पढ्नुहोस्
प्रतिक्रिया
पठाउनुहोस्
×