मकवानपुरको बकैयामा कांग्रेसका धर्म लामिछाने विजयी- स्थानीय तह निर्वाचन २०७९ - कान्तिपुर समाचार

मकवानपुरको बकैयामा कांग्रेसका धर्म लामिछाने विजयी

सुवास विडारी

मकवानपुर — मकवानपुरको बकैया गाउँपालिकामा सत्तारुढ गठबन्धनका तर्फबाट उम्मेदवार बनेका कांग्रेसका धर्म लामिछाने विजयी भएका छन् । उनले प्रतिस्पर्धी नेकपा एमालेकी उम्मेदवार सरला बोलखेलाई पराजित गरेका हुन् । २१ हजार ७७१ मत खसेको बकैयामा विजयी भएका कांग्रेसका लामिछानेले ११ हजार २९२ मत प्राप्त गरे भने पराजित बोलखेले ७ हजार ६६ मत प्राप्त गरिन् । 

त्यस्तै पालिका उपप्रमुखमा माओवादी केन्द्रका भक्तबहादुर खत्री निर्वाचित भएका छन् । उपमेयरमा निर्वाचित खत्रीले ९ हजार ५२२ मत प्राप्त गरे । एमालेका लालबहादुर स्याङ्तानले ७ हजार ६५२ मत प्राप्त गरेको निर्वाचन अधिकृतको कार्यालयले जानकारी दिएको छ ।

प्रकाशित : जेष्ठ ४, २०७९ ०८:५४
प्रतिक्रिया
पठाउनुहोस्

झापाको बाह्रदशी गाउँपालिकामा एमाले विजयी

अर्जुन राजवंशी

बिर्तामोड — झापाको बाह्रदशी गाउँपालिकाको अध्यक्ष र उपाध्यक्षमा नेकपा एमालेका उम्मेदवार विजयी भएका छन् । बुधबार बिहान सम्पन्न मतगणनामा गाउँपालिका अध्यक्षमा एमालेका उम्मेदवार देवेन्द्रप्रसाद चम्लागाई निर्वाचित भएका हुन् । उपाध्यक्षमा एमालेकी उम्मेदवार शान्तादेवी सिवाकोटी निर्वाचित भएकी छन् ।

गाउँपालिका अध्यक्षमा निर्वाचित चम्लागाईले ७ हजार १ सय ४८ तथा सिवाकोटीले ६ हजार ६ सय ३६ मत पाएका छन् । अध्यक्ष पदका निकटतम प्रतिद्वन्द्वी गठबन्धनबाट कांग्रेसका खड्गप्रसाद राजवंशीले ४ हजार ३ सय ६१ र राप्रपाका रामकुमार सिंह राजवंशीले ४ हजार ६८ मत पाए । खड्ग बाह्रदशीका निवर्तमान अध्यक्ष हुन् । उनी दोस्रो कार्यकालका लागि अध्यक्षका प्रत्याशी थिए ।

उपाध्यक्ष पदका निकटतम प्रतिद्वन्द्वी राप्रपाकी कमला राजवंशीले ४ हजार १ सय ९५ र गठबन्धनबाट उम्मेदवार बनेका माओवादी केन्द्रका शंकरप्रसाद सेढाईंले २ हजार ७ सय ५७ मत पाए ।

७ वटा वडा रहेको बाह्रदशीमा ४ वटामा कांग्रेस, एक-एक वटामा एमाले र राप्रपा तथा एउटामा कांग्रेसका बागी उम्मेदवारको प्यालन विजयी भएको छ । २०७४ को स्थानीय तह निर्वाचनमा बाह्रदशीको अध्यक्ष र उपाध्यक्षमा कांग्रेसले जितेको थियो ।

प्रकाशित : जेष्ठ ४, २०७९ ०८:५०
पूरा पढ्नुहोस्
प्रतिक्रिया
पठाउनुहोस्
x
×