जुम्लाको तिला गाउँपालिका अध्यक्षमा माओवादीका उम्मेदवार २१ मतान्तरले विजयी
जुम्ला — जुम्ला जिल्लाको तिला गाउँपालिका अध्यक्ष र उपाध्यक्षमा नेकपा (माओवादी केन्द्र)का उम्मेदवार विजयी भएका छन् । तिला गाउँपालिका अध्यक्षमा माओवादी केन्द्रका उम्मेदवार मोतिलाल रोकाया र उपाध्यक्षमा गोरीकला बुढा निर्वाचित भएका हुन् ।
अध्यक्षका उम्मेदवार रोकायाले नेपाली कांग्रेसका एकराज उपाध्यायलाई २१ मतान्तरले पछि पार्दै विजयी भए । उनले १ हजार ९ सय ३६ मत प्राप्त गर्दा प्रतिद्वन्द्वी कांग्रेसका उपाध्यायले १ हजार ९ सय १५ मत प्राप्त गरे । त्यस्तै, उपाध्यक्षमा माओवादी केन्द्रकी उम्मेदवार बुढाले २ हजार ४ मत प्राप्त गरेकी छन् । उनकी निकटतम प्रतिद्वन्द्वी कांग्रेसकी सुस्मा श्रेष्ठले १ हजार ८ सय ७ मत प्राप्त गरिन् ।
प्रकाशित : जेष्ठ ४, २०७९ ०७:०७प्रतिक्रिया