भरतपुरमा मतान्तर बढाउँदै रेनु- स्थानीय तह निर्वाचन २०७९ - कान्तिपुर समाचार

भरतपुरमा मतान्तर बढाउँदै रेनु

रमेशकुमार पौडेल

चितवन — भरतपुर महानगरपालिकाको पाँचवटा वडाको २१ हजार ७ सय ५४ मत गनिसक्दा मेयर पदमा सत्तारुढ गठबन्धनबाट उम्मेदवार रहेकी माओवादी केन्द्रकी रेनु दाहालले  नेकपा एमालेका विजय सुवेदीले भन्दा ३७३ मत बढी ल्याएकी छिन् । 

पाँच नम्बर वडाको गणना सकिँदा मतान्तर अलि फराकिलो हुन थालेको हो । यसअघि सय, ५० या त्योभन्दा पनि झिनो मतान्तर रहने गर्दथ्यो । दाहालले ७ हजार ४ सय ७१ र सुवेदीले ७ हजार ९८ मत ल्याएका छन् ।

मेयर पदमा स्वतन्त्र उम्मेदवार जगन्नाथ पौडेलको ३ हजार ६ सय ३ मत आएको छ । वडा नम्बर पाँचमा नेपाली कांग्रेसका उम्मेदवार वडाध्यक्षमा विजयी भएका छन् । अघिल्लो पटक यो वडामा नेकपा एमाले विजयी भएको थियो ।

योसँगै भरतपुरमा हालसम्म कांग्रेसले चार र एमालेले एक वडामा वडाध्यक्ष जितेको छ । एमालेले अघिल्लो पटक जितेका ३ वटा वडामा पराजय भोगेको छ । अब गणना हुने वडा नम्बर ६ सत्तारुढ गठबन्धनका कांग्रेस र नेकपा माओवादी दुवैको राम्रो प्रभाव रहेको वडा हो । त्यसैले मतान्तर झनै फराकिलो हुने आकलन गरिएको छ । २९ वटा वडाहरू रहेको भरतपुर महानगरपालिकामा १ लाख २७ हजार ८३९ मत खसेको छ ।

प्रकाशित : जेष्ठ ३, २०७९ २१:०१
प्रतिक्रिया
पठाउनुहोस्

कालिमाटी गाउँपालिकामा एमालेका खत्री निर्वाचित

विप्लव महर्जन

सल्यान — जिल्लाको कालिमाटी गाउँपालिकामा अध्यक्षमा एमालेका दानबहादुर खत्री विजयी भएका छन् । उपाध्यक्षमा एमालेकी सहनसिलता ओली विजयी भइन् ।

खत्रीले ३ हजार ७ सय ४१ र ओलीले ३ हजार ३ सय ७२ मत प्राप्त गरे । खत्रीका निकटतम प्रतिद्वन्द्वी नेकपा माओवादी केन्द्रका पुरुषोत्तम भटराईले ३ हजार १ सय २९ र कांग्रेसका भरत पुनले २ हजार ३ सय ७९ मत ल्याए ।

त्यसैगरी उपाध्यक्षमा विजयी भएकी सहनसिलता ओलीकी निकटतम प्रतिद्वन्द्वी एकीकृत समाजवादीका ज्ञानबहादुर खत्रीले २ हजार ७ सय ८६ र कांग्रेसकी काशिमाया रानाले २ हजार ३ सय ५२ मत प्राप्त गरिन् । खत्री ०७४ को स्थानीय निर्वाचनमा अध्यक्ष पदमा र ओली उपाध्यक्ष पदमा विजयी भएका थिए । कालिमाटी गाउँपालिका एमालेको बाहुल्यता रहेको छ ।

कालिमाटी गाउँपालिकाका १५ हजार ८६ मतदातामध्ये निर्वाचनमा १० हजार १ सय ६६ ले मतदान गरेको निर्वाचन अधिकृत मनोहर घिमिरेले बताए ।

प्रकाशित : जेष्ठ ३, २०७९ २०:५८
पूरा पढ्नुहोस्
प्रतिक्रिया
पठाउनुहोस्
×