ललितपुर महानगरपालिकाको मतगणना सुरु- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

ललितपुर महानगरपालिकाको मतगणना सुरु

कान्तिपुर संवाददाता

ललितपुर — ललितपुर महानगरपालिकामा मतगणना सुरु भएको छ । शुक्रबार भएको स्थानीय तहको निर्वाचनका मत ललितपुर महानगरपालिकामा शनिबार दिउँसो साढे १२ बजेपछि सुरु भएको हो । 

ललितपुर महानगरपालिकामा २० वडा रहेका छन् । यस महानगरपालिकामा कूल जनसंख्या २,९९,८४३ रहेको छ भने कुल मतदाता संख्या १,२२,८९० रहेको छ । जसमा ५९,४५३ पुरुष र ६३,४३७ महिला रहेका छन् ।

ललितपुर महानगरपालिकाको मेयरमा गठबन्धनबाट कांग्रेसका चिरिबाबु महर्जन र एमालेबाट हरिकृष्ण व्यञ्जनकारलगायतका उम्मेदवार रहेका छन् ।२०७४ मा महर्जनले २४,६२२ मत ल्याएर व्यञ्जनकार लाई पराजित गरेका थिए ।

ललितपुर महानगरमा पुरुष ४२ हजार ७ सय ६२ र महिला ४३ हजार ७ सय ७८ गरी ८६ हजार ५ सय ४० मत खसेको छ । महानगरमा कूल मतदाता १ लाख २२ हजार ८ सय ९० छन् ।

प्रकाशित : वैशाख ३१, २०७९ १२:३८
प्रतिक्रिया
पठाउनुहोस्

सोलुखुम्बुको सोताङ गाउँपालिका–१ मा कांग्रेसको प्यानलै विजयी

कान्तिपुर संवाददाता

सोलुखुम्बु — सोलुखुम्बुको सोताङ गाउँपालिका–१ मा नेपाली कांग्रेसको प्यानलै विजयी भएको छ । कांग्रेसका जंगबहादुर गुरुङले ३ सय ९८ मत पाएका छन् ।

निकटतम प्रतिद्वन्द्वी नेकपा एमालेका लाछे लामिछानेले २ सय ५८ र माओवादी केन्द्रका उम्मेदवार रमेश कुमार राईले १ सय १७ मत पाएका छन् ।

निर्वाचन अधिकृत कुमार कोइरालाका अनुसार वडा सदस्यमा धर्मध्वज बस्नेत, सकुन्तला भूजेल, लक्ष्मी विक र भोलाकाजी राई विजयी भएका छन् ।


प्रकाशित : वैशाख ३१, २०७९ १२:३६
पूरा पढ्नुहोस्
प्रतिक्रिया
पठाउनुहोस्
x
×