ललितपुर महानगरपालिकाको मतगणना सुरु
ललितपुर — ललितपुर महानगरपालिकामा मतगणना सुरु भएको छ । शुक्रबार भएको स्थानीय तहको निर्वाचनका मत ललितपुर महानगरपालिकामा शनिबार दिउँसो साढे १२ बजेपछि सुरु भएको हो ।
ललितपुर महानगरपालिकामा २० वडा रहेका छन् । यस महानगरपालिकामा कूल जनसंख्या २,९९,८४३ रहेको छ भने कुल मतदाता संख्या १,२२,८९० रहेको छ । जसमा ५९,४५३ पुरुष र ६३,४३७ महिला रहेका छन् ।
ललितपुर महानगरपालिकाको मेयरमा गठबन्धनबाट कांग्रेसका चिरिबाबु महर्जन र एमालेबाट हरिकृष्ण व्यञ्जनकारलगायतका उम्मेदवार रहेका छन् ।२०७४ मा महर्जनले २४,६२२ मत ल्याएर व्यञ्जनकार लाई पराजित गरेका थिए ।
ललितपुर महानगरमा पुरुष ४२ हजार ७ सय ६२ र महिला ४३ हजार ७ सय ७८ गरी ८६ हजार ५ सय ४० मत खसेको छ । महानगरमा कूल मतदाता १ लाख २२ हजार ८ सय ९० छन् ।
प्रतिक्रिया