नुवाकोटमा मतपेटिका संकलन थालियो
नुवाकोट — शुक्रबार बिहान ७ बजेबाट ५ बजेसम्म भएको मतदानको मतपेटीका संकलन थालिएको छ । जिल्लाको १२ वटा स्थानीय तहको नगरपालिका र गाउँपालिकाका निर्वाचन अधिकृत कार्यालयसम्म मतपेटिका संकलन गरी ल्याउन थालिएको हो । म्यगङ, तारकेश्वर, ककनी, सूर्यगढीगाउँ र बेलकोटगढीनगरपालिकाका केही वडाहरु टाढा छन् ।
ती वडाहरुबाट पनि मुचुल्का गरी मतपेटिका संकलन थालिएको निर्वाचन अधिकृत कार्यालयहरुले जनाएका छन् । जिल्लामा १ सय ३२ मतदानस्थलका २ सय ८७ मतदान केन्द्रमा मतदान भएको थियो । जिल्लामा ६० देखि ६५ प्रतिशतसम्म मत खसेको जिल्ला निर्वाचन कार्यालयले जनाएको छ । नुवाकोटमा २ लाख ३७ हजार ३ सय ४३ मतदाता छन् ।
प्रतिक्रिया