कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

कांग्रेसका बागी उम्मेदवार पार्टीबाट स्वतः निष्कासित

विवरण पठाउन जिल्ला कार्य समितिलाई निर्देशन

काठमाडौँ — नेपाली कांग्रेसले स्थानीय तहको निर्वाचनमा पार्टी निर्देशनविपरीत उम्मेदवारी दिने र समर्थन गर्नेको विवरण पठाउन जिल्ला कार्य समितिहरूलाई निर्देशन दिएको छ ।

कांग्रेसका बागी उम्मेदवार पार्टीबाट स्वतः निष्कासित

पार्टीका आधिकारिक उम्मेदवार तथा पार्टीले समर्थन गरेका उम्मेदवारविरुद्ध उम्मेदवारी दर्ता गराएका र त्यस्ता उम्मेदवारका प्रस्तावक र समर्थक बनेका सबैजना पार्टीबाट स्वतः निष्कासित भएको स्मरण गर्दै कांग्रेसले विवरण पठाउन सम्बन्धित जिल्ला समितिहरूलाई निर्देशन दिएको हो ।

कांग्रेसले विभिन्न पदमा दलगत वा स्वतन्त्र उम्मेदवारी दर्ता गराएकाहरुको उम्मेदवारी फिर्ताका लागि वैशाख १६ गते बिहान १० बजेदेखि अपरान्ह ५ बजेसम्म समय तोक्दै सूचना जारी गरेको थियो ।

यस्तै, आधिकारिक उम्मेदवारका पक्षमा सक्रियतापूर्वक प्रचार अभियानमा संलग्न हुन अनुरोध गर्दै २०७९ वैशाख १९ गते प्रेस विज्ञप्ति मार्फत अनुरोध गर्दा समेत अटेर गरी पार्टीका आधिकारिक उम्मेदवार तथा पार्टीले समर्थन गरेका उम्मेदवारका विरुद्ध विद्रोही उम्मेदवार बनेका तथा त्यस्ता विद्रोही उम्मेदवारका प्रस्तावक र समर्थक बनेकाहरुको पार्टी सदस्यता खारेज गरेको कांग्रेसले जनाएको छ ।

नेपाली कांग्रेसको विधान २०१७ (संशोधनसहित) को धारा ४ (१३) (ग) बमोजिम समाप्त भई पार्टीबाट स्वतः निस्कासन भएको विज्ञप्तिमा भनिएको छ ।

प्रकाशित : वैशाख २२, २०७९ १८:३२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?