काठमाडौँ — नेकपा (एमाले) ले काठमाडौं महानगरपालिकाको चुनावी अभियानको नेतृत्व वरिष्ठ उपाध्यक्ष ईश्वर पोखरेलले गर्ने भएका छन् । 

एमालेले वरिष्ठ उपाध्यक्ष पोखरेललाई संयोजक बनाउँदै ‘काठमाडौं महानगर निर्वाचन परिचालन निर्देशक समिति’ गठन गरेको छ । 

‘चुनावी प्रचार–प्रसारलाई तीव्र बनाउँदै मेयर–उपमेयरसहित ३२ वटै वडाका सबै उम्मेदवारलाई विजयी गराउन नेकपा (एमाले) अब चुनावी मैदानमा उत्रिएको छ,’ काठमाडौं महानगर निर्वाचन परिचालन सचिवालयमा सम्बोधन गर्दै संयोजक पोखरेलले भने ।

पोखरेलका अनुसार चुनावी अभियान ३२ वटै वडामा अघि बढिरहेको छ । अब थप व्यवस्थित ढंगले यो काम अघि बढ्ने पनि उनले बताए । पोखरेलले सोमबार नै ३२ वटै वडाको गतिविधि र त्यहाँ भइरहेको चुनावी प्रचारबारे जानकारी लिएका थिए ।