बाँकेका दुई वडामा फरक पार्टीबाट दाजुभाइ प्रतिस्पर्धा गर्दै- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बाँकेका दुई वडामा फरक पार्टीबाट दाजुभाइ प्रतिस्पर्धा गर्दै

ठाकुरसिंह थारु

नेपालगन्ज — नेपालगन्ज उपमहानगरपालिका १ र कोहलपुर नगरपालिका ३ मा सहोदर दाजुभाइले फरक पार्टीबाट उम्मेदवारी दिएका छन् । नेपालगन्ज उपमहानगर १ मा अध्यक्षका लागि वर्तमान वडाध्यक्ष प्रमोद रिजालले नेकपा (एमाले) र उनका सहोदर दाजु बिनोद रिजालले नेपाली कांग्रेसबाट उम्मेदवारी दर्ता गराएका हुन् । 


प्रमोद लामो समयदेखि एमालेनिकट विद्यार्थी संगठनको राजनीतिमा सक्रिय थिए । त्यस्तै, दाजु बिनोद विद्यार्थी राजनीति गर्दै हाल तरुण दल बाँकेको सचिवका रुपमा काम गर्दै आएका छन् ।

त्यस्तै कोहलपुर नगरपालिका ३ को वडाध्यक्षका लागि दाजु तारकेश्वर रिजाल नेकपा (माओवादी केन्द्र) र भाइ माधव रिजाल एमालेको तर्फबाट उम्मेदवारी दिएका छन् । २०७४ को स्थानीय निर्वाचनमा माधव वडाध्यक्षमा निर्वाचित भएका थिए । त्यस्तै, दाजु तारकेश्वर ६५ मतले पराजित भएका थिए ।

प्रकाशित : वैशाख १४, २०७९ १५:०१
प्रतिक्रिया
पठाउनुहोस्

खोटाङ र भोजपुरमा एक–एक जना दलित महिला सदस्यमा एकल उम्मेदवारी

डम्बरसिं राई

खोटाङ — खोटाङको खोटेहाङ गाउँपाकिला र भोजपुरको आमचोक गाउँपालिकामा एक–एक जना दलित महिला सदस्यको एकल उम्मेदवारी परेको छ ।

खोटाङको खोटेहाङ गाउँपालिका–५ चिप्रिङमा दलित महिला सदस्य र भोजपुरको आमचोक गाउँपालिका–७ देवानटारमा दलित महिला सदस्यमा एकल उम्मेदवारी परेको हो ।

खोटेहाङ गाउँपालिकाको चिप्रिङमा एमालेको तर्फबाट उम्मेदवारी दिएकी बच्चीमायाँ परियार र आमचोक गाउँपालिकाको देवानटारमा माओवादीको तर्फबाट उम्मेदवारी दिएकी रत्ना परियारको एकल उम्मेदवारी परेको हो ।

एकल उम्मेदवारी परे पनि कागजात जाँच गरिसकेपछि मात्र यकिन हुने निर्वाचन अधिकृत कल्पना राईले बताइन् ।

प्रकाशित : वैशाख १४, २०७९ १४:४९
पूरा पढ्नुहोस्
प्रतिक्रिया
पठाउनुहोस्
x
×