पूर्वी नवलपरासी — पूर्वी नवलपरासीमा गठबन्धनमा भागबण्डा मिलेको छ । यहाँ कांग्रेस र गठबन्धनका अन्य ४ दलबीच सिट बाँडफाँट गरेर निर्वाचनमा जाने सहमति जुटेको छ ।

शनिबार राति ११ बजे सकिएको बैठकले निर्वाचनमा गठबन्धन गरेर जाने निर्णय गरेको हो । यहाँको कावासोती, देवचुली नगरपालिका र बौलीकालीमा उपप्रमुख माओवादीलाई दिने सहमति भएको हो ।

कांग्रेस जिल्ला सचिव होमराज रानाभाटले ती तिनवटा पालिकामा उपप्रमुख पद माओवादीलाई दिने र अन्य दललाई १० वटा वडा दिनेगरी सहमति भएको जानकारी दिए ।यसअघिको स्थानीय तह निर्वाचनमा माओवादीले पूर्वी नवलपरासीका ८ वटा पालिकामा ७ वटामा स्पष्ट बहुमत जितेको थियो । 

यसअघि गठबन्धनका दलले ७ वटा पालिका मागेका कारण वार्ता अघि बढन सकेको थिएन । राति अबेर दुई दलबीच सहमति भएको हो ।