मौद्रिक नीति सार्वजनिक हुँदै  - अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

मौद्रिक नीति सार्वजनिक हुँदै  

कान्तिपुर संवाददाता

काठमाडौँ — कोभिड–१९ को असरले ऋण तिर्न नसक्ने ऋणीलाई विशेष सुविधासहित आउने बताइएको चालु आर्थिक वर्षको मौद्रिक नीति राष्ट्रबैंकका गभर्नर महाप्रसाद अधिकारीले सार्वजनिक गर्न सुरु गरेका छन् । यसको प्रत्यक्ष प्रसारण सुरु भएको छ । 

आर्थिक वर्ष ०७७/७८ को मौद्रिक नीति शुक्रबार सार्वजनिक गर्दै गभर्नर महाप्रसाद अधिकारी ।

बिहान ८ बजे बसेको सञ्चालक समितिको बैठकबाट पारित भएपछि राष्ट्र बैंकले मौद्रिक नीति जारी गर्ने निर्णय गरेको हो । मौद्रिक नीतिमा प्राथमिकता प्राप्त क्षेत्र अन्तरगत कृषि, उर्जा, पर्यटनलयागतमा गरी कुल लगानीको २५ प्रतिशत अनिवार्य रुपमा कर्जा प्रवाह गर्नु पर्ने व्यवस्थामा केही परिमार्जन गरिएको छ ।

यस्तै, बैंक तथा वित्तीय संस्थाकलाई नगद लाभांश वितरणलाई निरुत्साहित गर्दै बोनस सेयर वितरणलाई प्रोत्साहन गर्न लागिएको छ । कोभिडबाट प्रभावित ऋणीलाई सावा र ब्याज भुक्तानीकालागि तीन महिना देखि एक वर्षसम्म समयावधि पाउने भएका छन् ।

प्रकाशित : श्रावण २, २०७७ १५:१५
प्रतिक्रिया
पठाउनुहोस्

विश्व बैंकसँग ५४ अर्ब बराबरको सडक सहयोग आयोजनामा हस्ताक्षर

कान्तिपुर संवाददाता

काठमाडौँ — नेपाल सरकार र विश्व बैंकबीच कोरोना पछिकाे आर्थिक गतिविधिलाई बढाउन ४५ करोड अमेरिकी डलर (करिब ५४ अर्ब) बराबरको सडक सहयोग आयोजनामा हस्ताक्षर भएको छ । 

शुक्रबार भएको हस्ताक्षर कार्यक्रममा यातायात पूर्वाधारको क्षमता र सुरक्षा सुधार लगायत सीमापार व्यापारको दक्षतामा सुधार गर्ने र रणनैतिक सडक सञ्जाल व्यवस्थापनमा सहज हुने बताइयो । आयोजना नेपाल सरकार र विश्व बैंकबीच भएको आजसम्मकै ठूलो राशिको एकल आयोजना भएको बताइएको छ ।

अर्थमन्त्री युवराज खतिवडा उपस्थित कार्यक्रममा नेपाल सरकारकातर्फबाट अर्थ सचिव शिशिरकुमार ढुंगाना र विश्व बैंकका तर्फबाट माल्दिम्भस, नेपाल र श्रीलंकका लागि विश्व बैंकका राष्ट्रिय निर्देशक फारिस हदाद–जर्भोसले सम्झौता पत्रमा हस्तार गरेका छन् ।

कार्यक्रममा मन्त्री खतिवडाले आयोजनाले सीमापार बजार लगायत सडक सञ्जालको विस्तार र राष्ट्रिय एकीकरणका साथै कोरोना पछिको आर्थिक पुनरुत्थानलाई सघाउने बताए ।

प्रकाशित : श्रावण २, २०७७ १४:५९
पूरा पढ्नुहोस्
प्रतिक्रिया
पठाउनुहोस्
×