ट्रम्पले अन्य देशहरूमा पनि अमेरिकी हस्तक्षेप हुन सक्ने संकेत दिएका छन् । डेनमार्कको अधिनमा रहेको र नाटो सदस्य राष्ट्रको हिस्सा मानिने टापु ग्रीनल्यान्डबारे चर्चा गर्दै उनले भने, 'हामीलाई ग्रीनल्यान्ड चाहिन्छ ।'
काठमाडौँ — अमेरिकी राष्ट्रपति डोनाल्ड ट्रम्पले भेनेजुएलाकी कार्यवाहक राष्ट्रपति डेल्सी रोड्रिग्वेजले 'सही निर्णय' नगरे निकोलस मदुरोभन्दा पनि ठूलो मूल्य चुकाउनुपर्ने चेतावनी दिएका छन् ।
द एटलान्टिक म्यागजिनलाई दिएको एक अन्तर्वार्तामा ट्रम्पले यस्तोचेतावनी दिएका हुन् । अमेरिकी सेनाले भेनेजुएलाका नेता निकोलस मदुरो र उनकी पत्नीलाईकाराकसबाट नियन्त्रणमा लिएपछि शनिबार ट्रम्पले सुरुमा रोड्रिग्वेजको प्रशंसा गरेकाथिए । तर, रोड्रिग्वेजलेआफ्नो देशको प्राकृतिक स्रोतको रक्षा गर्ने बताएपछि ट्रम्पको बोली फेरिएको हो ।
फ्लोरिडास्थित वेस्ट पामबिच गल्फ कोर्स पुग्ने क्रममा टेलिफोन अन्तर्वार्ता दिँदै ट्रम्पले भने, 'यदि उनले सही काम गरिनन् भने,उनले निकै ठूलो मूल्य चुकाउनुपर्नेछ, सम्भवतःमदुरोभन्दा पनि ठूलो ।'
मदुरोलाई बल प्रयोग गरेरनियन्त्रणमा लिने आफ्नो निर्णयको बचाउ गर्दै ट्रम्पले म्यागजिनसँग भनेका छन्, 'त्यहाँको पुनर्निर्माण र सत्तापरिवर्तन, तपाईँ यसलाई जेसुकै भन्नुहोस्, यो अहिलेको अवस्थाभन्दा राम्रो छ। योभन्दा खराब अरू हुन सक्दैन ।'
ट्रम्पलेअन्य देशहरूमा पनि अमेरिकी हस्तक्षेप हुन सक्ने संकेत दिएका छन् । डेनमार्ककोअधिनमा रहेको र नाटो सदस्य राष्ट्रको हिस्सा मानिने टापु ग्रीनल्यान्डबारे चर्चागर्दै उनले भने, 'हामीलाई ग्रीनल्यान्ड चाहिन्छ ।'
