सन् १९१८ मा आजकै दिन (सेप्टेम्बर २८) मा अमेरिकामा स्पेनिस फ्लुका कारण महामारी घोषित गरिएको थियो ।महामारीका कारण अमेरिकी सहर फिलाडेल्फिया सबैभन्दा बढी प्रभावित भएको थियो ।
उक्त सहरमा आयोजित स्वतन्त्रतासम्बन्धी परेडका कारण महामारी निकै फैलिएको थियो । जसका कारण फिलाडेल्फियामा मात्र करिब १२ हजार मानिसले ज्यान गुमाएका थिए । ‘एच–१ एन–१ इन्फ्लुएन्जा ए भाइरस’ का कारण हुने फ्लुले विश्व समुदायलाई करिब दुई वर्ष आक्रान्त पारेको थियो । उक्त भाइरसको पहिलो केस अमेरिकाको कान्ससमा पहिलो पटक पुष्टि भएको थियो । इतिहासकै भयानक मानिएको उक्त महामारीका कारण विश्वभर कम्तीमा तीन करोड मानिसको ज्यान गएको अनुमान छ ।
