कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४
आजकै दिन

अक्सफोर्ड डिक्सनरी प्रकाशन

काठमाडौँ — सन् १८८४ मा आजकै दिन (फेब्रुअरी १) मा अक्फोर्ड अंग्रेजी डिक्सनरीको दस वटा अंकमध्ये पहिलो प्रकाशन भएको थियो । सन् १८५७ मा फिलोलजिकल सोसाइटी अफ लन्डनले डिक्सनरी आवश्यक भएको निर्णय गरेको थियो ।

अक्सफोर्ड डिक्सनरी प्रकाशन

तर अक्सफोर्ड युनिभर्सिटी प्रेसलाई डिक्सनरी प्रकाशन गर्न दिने सहमतिमा पुग्न सोसाइटीलाई अर्को २२ वर्ष लागेको हो । १८७९ मा गरिएको निर्णयअनुसार प्रेसले ५ वर्ष लगाएर डिक्सनरीको पहिलो अंक प्रकाशन गरेको हो ।

सुरुमा सम्पादकहरूले डिक्सनरी चार वटा अंकमा छापिने र त्यसमा समावेश हुने शब्द र अर्थलाई अन्तिम रूप दिन दस वर्ष लाग्ने आकलन गरेका थिए । तर पाँच वर्षको अवधिमा उनीहरूले जम्मा ‘ए’ देखि ‘एन्ट’ सम्मका शब्द टुंगाएका हुन् । १८८४ मा ‘न्यु इंगलिस डिक्सनरी’ का नाममा प्रकाशित भएको डिक्सनरीमा ३ सय ५२ पेज थिए । त्यतिबेला यो ४ हजार प्रति बिक्री भएको थियो ।

सन् १९२८ सम्ममा दस अंक प्रकाशित भएका न्यु इंगलिस डिक्सनरीमा ४ लाख शब्द तथा वाक्यांशहरू समेटिएका थिए । सन् १९३३ मा भने यसको दोस्रो संस्करणअन्तर्गत १२ वटा अंक प्रकाशित गरिएको थियो । १९८९ मा उक्त डिक्सनेरी विभिन्न २० अंकमा प्रकाशित भएको थियो । अक्सफोर्डले १९८४ मा डिक्सनेरीलाई डिजिटल स्वरूपमा निकाल्ने निर्णय गरेका थिए । त्यसपछि १ सय २० जना टाइपिस्टले ५ वर्ष लगाएर तयार पारेको डिक्सनरी १९९२ मा सीडी रोममा सार्वजनिक गरिएको थियो । तर पछिल्लो समय भने हामीले डिक्सनरी अनलाइनमार्फत डाउनलोड गरेर प्रयोग गर्न सक्छौं ।

प्रकाशित : माघ १८, २०७९ ०८:१८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?