इतिहासकै विनाशकारी भूकम्प

८ म्याग्निच्युड रहेको ठानिएको उक्त भूकम्पले सान्सी र छिमेकी प्रान्त सान्छी निकै प्रभावित भएका थिए । यद्यपि, केही रेकर्डमा उक्त भूकम्प ८.३ म्याग्निच्युडको रहेको जनाइएको छ । भूकम्पले करिब ५ सय २० वर्ग माइलसम्मको क्षेत्रमा क्षति पुर्‍याएको थियो । भूकम्पका कारण ती दुई प्रान्तको जनसंख्या ६० प्रतिशतले घटेको जनाइएको थियो । केही सेकेन्डमात्र गएको भूकम्पपछि कतिपय पहाडको अस्तित्व सकिएको थियो भने त्यस क्षेत्रका अधिकांश नदीको बहाव परिवर्तन भएका कारण भीषण बाढीपहिरो गएको थियो । भूकम्पपछि फैलिएको आगो निभ्न कैयौं दिन लागेको थियो ।

स्थानीय तथ्यांकका अनुसार भूकम्पमा ज्यान गुमाउनेमध्ये अधिकांश घर तथा भवनका ढुंगाले च्यापिएका थिए । उक्त भूकम्पपछि ती प्रान्तमा बाँस तथा काठका घरहरू निर्माण गर्न थालिएको जनाइएको छ । वेई नदी उपत्यकामा केन्द्रबिन्दु रहेको भूकम्पले सबैभन्दा बढी विनान र हुयायिन प्रभावित भएका थिए । भूकम्पका कारण हुवाछियान सहरका सबै घर तथा भवनहरू ध्वस्त भएका थिए । सहरमा मात्र दसौं हजार जनाको ज्यान गएको थियो । त्यसको दुई वर्षपछि पनि वेई नदी क्षेत्रमा पर्ने वेइनान सहरमा शक्तिशाली भूकम्प गएको थियो ।