कोरोना महामारीका कारण सन् २०२१ मा ‘भ्याक्स’ को प्रयोग ५७ हजार प्रतिशतले बढेको छ ।
काठमाडौँ — अक्सफोर्ड इंग्लिस डिक्सनरीले ‘भ्याक्स’ लाई यस वर्षको ‘वर्ष शब्द’ घोषणा गरेको छ ।कोरोना महामारीका कारण यस वर्ष भ्याक्सिनसँग सम्बन्धित शब्दहरूको अत्यधिक प्रयोग भएको भन्दै अक्सफोर्ड डिक्सनरीले सन् २०२१ का लागि ‘भ्याक्स’ लाई वर्ष शब्दका रूपमा चयन गरेको हो ।
कोरोना महामारीका कारण ‘डबल–भ्याक्स्ड’, ‘अन–भ्याक्स्ड’, ‘एन्टी–भ्याक्सर’ लगायतका शब्दको प्रयोग निकै भएको थियो ।
The Oxford Word of The Year 2021 is… ‘vax’.
— Oxford Languages (@OxLanguages) November 1, 2021
Learn more about why this word was chosen: https://t.co/hFIOOhJ6G6#WOTY2021 pic.twitter.com/QBXJsT6vgv
अक्सफोर्ड डिक्सनरीको वरिष्ठ सम्पादक फियोना म्याकफेर्सनले ‘भ्याक्स’ यस वर्ष स्वाभाविक छनोट भएको र ‘सबैभन्दा बढी प्रभावकारी’ रहेको बताइन् । उनका अनुसार भ्याक्सी, भ्याक्साथोन, भ्याक्सिनिस्ताजस्ता शब्दको प्रयोग पनि बढेको छ । भीएएक्स र भीएएक्सएक्स दुवै स्पेलिङलाई मान्यता दिइएको उल्लेख गर्दै एउटा मात्र एक्सको प्रयोगचाहिँ आम प्रचलनमा रहेको उनको भनाइ छ ।
भ्याक्सलाई यसरी परिभाषित गरिएको छ
भ्याक्स(नाम) : एउटा खोप वा टीकाकरण
भ्याक्स(क्रिया) : कुनै रोगविरुद्ध प्रतिरक्षा प्रणाली विकास गर्न खोप लगाउनु
भ्याक्सी(नाम) : खोप लगाउँदै गर्दाको वा त्यसअघि वा पछाडिको आफैले खिचेको तस्बिर, सामाजिक सञ्जालमा सेयर गरिने विशेषगरी कोरोना खोप लगाएको तस्बिर
एन्टी–भ्याक्स (विशेषण) : खोपको विरोधमा रहनु
एन्टी–भ्याक्सर (नाम) : खोप अभियानविरुद्ध लाग्ने व्यक्ति
डबल–भ्याक्स्ड (विशेषण) : खोपको दुई डोज प्राप्त गर्नु
अक्सफोर्ड डिक्सनरीका अनुसार ‘भ्याक्स’ शब्दको प्रयोग यस वर्ष ५७ हजार प्रतिशतले बढेको छ । सन् २०२० का लागि अक्सफोर्ड र कोलिन्स दुवैले ‘लकडाउन’लाई ‘वर्ष शब्द’ घोषणा गरेका थिए ।
