म्यान्मारका सेना प्रमुख जाकार्ता पुगे- विश्व - कान्तिपुर समाचार
कान्तिपुर वेबसाईट
AdvertisementAdvertisement

म्यान्मारका सेना प्रमुख जाकार्ता पुगे

एजेन्सी

जाकार्ता/यांगुन — म्यान्मारका सेना प्रमुख मिन आङ ह्लाइङले सैनिक ‘कु’ पछि पहिलो पटक विदेश भ्रमण गरेका छन् । ह्लाइङ दक्षिण पूर्वी एसियाली देशहरूको संगठन (आसियान) को सम्मेलनमा भाग लिन शनिबार इन्डोनेसियाको राजधानी जाकार्ता पुगेका हुन् । 

म्यानमारका सेना प्रमुख मिन आङ ह्लाइङ फाइल तस्बिर : रोयटर्स

म्यान्मारको सेनाले सन् २०२० को नोभेम्बरमा भएको चुनावमा धाँधली भएको दाबी गर्दै गत फेब्रुअरीमा सत्ता कब्जा गरेको हो । त्यसयता भएका प्रदर्शनहरूमा सेनाले चरम दमन गरेपछि कम्तीमा ७ सय जनाको ज्यान गइसकेको छ । सैनिक शासनको विरोध गर्दै आएका म्यान्मारका प्रदर्शनकारीले लोकतन्त्रको पुनर्बहाली र पक्राउ परेका नेता तथा कार्यकर्ताको रिहाइको माग गरेका हुन् ।

जाकार्तामा हुने वार्तामा ह्लाइङले आफ्नो देशभित्र जारी संकट र आफ्नो कदमबारे अन्तर्राष्ट्रिय मञ्चमा बचाउ गर्ने अनुमान गरिएको छ । अधिकारवादीहरूले सेना प्रमुख जाकार्तामा ह्लाइङको विरोधमा प्रदर्शनहरू गर्न आह्वान गरेका बीबीसीले उल्लेख गरेको छ । मलेसियाका प्रधानमन्त्री मोहिउद्दिन यासिनले म्यान्मारको हिंसा अन्त्य गर्न तथा राजनीतिक बन्दीलाई बिनासर्त रिहा गरिनुपर्ने बताएका छन् ।

‘म्यान्मारमा जारी दयनीय अवस्था तत्काल रोकिनुपर्छ,’ उनले संवाददाताहरूसँग भने । त्यसैगरी इन्डोनेसियाका राष्ट्रपति जोको विडोडोले ‘म्यान्मारको अवस्था अस्वीकार्य’ भएको जनाउँदै ‘हिंसा अन्त्य हुनुपर्ने’ बताएका छन् ।

प्रकाशित : वैशाख १२, २०७८ ०८:५१
प्रतिक्रिया
पठाउनुहोस्

कुम्भ मेलाबाट फर्केका १० जनामा कोरोना

कान्तिपुर संवाददाता

पाल्पा — केही दिनअघि भारतको हरिद्वारमा भएको कुम्भ मेलाबाट फर्केका १० जनामा कोरोना संक्रमण पुष्टि भएको छ । जिल्लाको रामपुर नगरपालिका क्षेत्रबाट १५ जना कुम्भ मेलामा सहभागी भएका थिए ।

उनीहरूको पीसीआर परीक्षणमा कोरोना पुष्टि भएको रामपुर नगरपालिका स्वास्थ्य शाखा प्रमुख तीर्थप्रसाद ढुंगानाले बताए ।

उनका अनुसार संक्रमितहरूको स्वास्थ्य अवस्था सामान्य छ । सबै संक्रमित होम आइसोलेसनमा छन् । नगरपालिकाले समुदायमा संक्रमण फैलिन सक्ने जोखिमलाई मध्यनजर गर्दै कुम्भ मेलाबाट फर्किएका सबैलाई अनिवार्य क्वारेन्टाइनमा बस्न निर्देशन गरेको छ । स्वास्थ्य कार्यालयका अनुसार जिल्लामा शुक्रबार थप १३ जनामा कोरोना पुष्टि भएको छ । स्वास्थ्य कार्यालयका अनुसार तानसेन नगरपालिका तथा अस्पतालका सात जना छन् ।

बगनासकाली गाउँपालिकाका दुई, रैनादेवी छहराका तीन र रामपर नगरपालिकाका एक जनामा संक्रमण पुष्टि भएको सूचना अधिकारी ओमप्रकाश पन्थीले बताए । जिल्लामा सक्रिय संक्रमितको संख्या १ सय ३५ पुगेको छ । संक्रमितमध्ये १० जना अस्पतालमा र बाँकी सबै होम आइसोलेसनमा रहेको स्वास्थ्य कार्यालयले जनाएको छ ।

प्रकाशित : वैशाख १२, २०७८ ०८:४५
पूरा पढ्नुहोस्
प्रतिक्रिया
पठाउनुहोस्
×