कोरोना प्रकोप : संक्रमित र मृतकको संख्या घट्दै गएको चीनको दाबी
बेइजिङ — चीनले कोरोना भाइरसको नयाँ संक्रमित संख्या घटेको बताएको छ । लगातार तीन दिन नयाँ संक्रमितको संख्यामा गिरावट आएको उसले जनाएको हो ।
रोग नियन्त्रणबारे सरकारले चालेका ठोस प्रयासले काम गर्न थालेको उनीहरूको दाबी छ । ‘कोरोना भाइरस संक्रमण फैलन नदिन चीनले चालेका कदमले बिस्तारै प्रभाव देखाउन थालेको छ,’ चिनियाँ राष्ट्रिय स्वास्थ्य आयोगका प्रवक्ता मी फेङले आइतबार आयोजित पत्रकार सम्मेलनमा बताए ।
आइतबार चीनमा १०५ जनाको मृत्यु भएको छ । स्वास्थ्य आयोगका अनुसार कारोनाका कारण शनिबार चीनमा १४२ जनाको मृत्यु भएको थियो भने थप दुई हजार नौमा संक्रमण पाइएको थियो । अघिल्लो दिन शुक्रबार १४३ जनाको मृत्यु भएको थियो र दुई हजार ६४१ नयाँ संक्रमित पुष्टि भएका थिए ।
हालसम्म कोरोना भाइरस संक्रमणबाट चीनभर ७१ हजार ३२६ संक्रमित भएका छन् भने मृतकको संख्या १ हजार ७७५ पुगेको छ । चीनमा मात्रै एक हजार ७ सय ७० जनाको मृत्यु भएको छ । चीनबाहिर करिब ३० देशमा लगभग पाँच सय संक्रमित पाइएका छन् ।
कोरोना संक्रमितमध्ये १० हजार ६१० जना निको भइसकेका छन् ।
कहाँ कति संक्रमित?
हङकङ- १ मृत्यु, ५७ संक्रमित
जापान- १ मृत्यु, ४१२ संक्रमित
फिलिपिन्स- १ मृत्यु, ३ संक्रमित
फ्रान्स- १ मृत्यु, १२ संक्रमित
संक्रमित मात्रै
मकाउ- १०
सिंगापुर- ७५
थाइल्यान्ड- ३४
दक्षिण कोरिया- २९
मलेसिया- २२
ताइवान- १८
भियतनाम- १६
जर्मनी- १६
अमेरिका- १५
अस्ट्रेलिया- १५
बेलायत- ९
यूएई-८
क्यानडा- ८
भारत- ३
इटाली- ३
रुस- २
स्पेन- २
बेल्जियम- १
नेपाल- १
श्रीलंका- १
स्वीडेन- १
कम्बोडिया- १
फिनल्यान्ड- १
इजिप्ट- १
प्रकाशित : फाल्गुन ५, २०७६ ०९:१८