कोरोना संक्रमितको उपचारका लागि १० दिनमा चीनले बनायो यस्तो अस्पताल

यसैबीच समाचार संस्था एपीले जनाएअनुसार सोमबार बिहान १० बजे अस्पतालमा एक जना बिरामी आइपुगेका छन् । बिरामीको अवस्था कस्तो छ र को हुन् भन्नेबारेमा केही जानकारी सार्वजनिक गरिएको छैन ।

_{तस्बिर : एपी}

डिसेम्बर अन्तिमबाट फैलिएको कोरोना भाइरसका कारण चीनमा ३६१ र फिलिपिन्समा एक जनाको मृत्यु भइसकेको छ । त्यस्तै १७ हजारभन्दा बढी व्यक्ति यसबाट संक्रमित भएका छन् ।

_{तस्बिर : एपी}

चीनले जनवरी २४ बाट बनाउन थालेको अस्पताल सोमबारदेखि सञ्चालनमा आएको हो । चिनियाँ अधिकारीका अनुसार यो अस्पताल सन् २००३ मा सार्स संक्रमितका लागि बेइजिङमा बनाइको सियाताङ्शान अस्पतालकै मोडेलमा बनाइएको छ । त्यतिबेला चीनले बेइजिङमा ७ दिनमै अस्पताल बनाएको थियो ।

_{तस्बिर : एपी}

नयाँ अस्पतालमा एक हजार ४ सय स्वास्थ्यकर्मी खटाइएका छन् । सबै स्वास्थ्यकर्मी चिनियाँ जनमुक्ति सेना(पीएलए) का हुन् । यो अस्पताल २५ हजार वर्ग किलोमिटरमा फैलिएको छ ।

_{तस्बिर : एपी}

सिन्ह्वा न्युजका अनुसार यो अस्पताल बनाउन सिकर्मी, प्लम्बर, इलेक्ट्रिसियन तथा अन्य विज्ञ गरी ७ हजार व्यक्ति खटिएका थिए ।

A makeshift hospital replicating Beijing's SARS treatment model is ready to join in battle against novel strain of #coronavirus in Wuhan. Some 1,400 military medics are tasked with treating patients here starting from Monday pic.twitter.com/qhUbcxkoy0

— China Xinhua News (@XHNews) February 2, 2020

तस्बिर : एपी

यसअघि चीनले बुधबार हुवाङगाङ सहरमा कोरोना भाइरस संक्रमितको उपचारका लागि अस्पताल सञ्चालनमा ल्याएको थियो । हुवाङगाङ केन्द्रीय अस्पतालकै शाखाका रुपमा यो अस्पताल दुई दिनमा तयार भएको थियो । अस्पताल परिसरमा रहेको खाली भवनमा अत्याधुनिक उपकरणसहित अस्पताल तयार पारिएको थियो ।

_{तस्बिर : एपी}

_{जनवरी २४ देखि फेब्रुअरी २ तारिखसम्म अस्पताल निर्माणका तस्बिर : सिन्ह्‍वा}